Actor
Graddiodd Levi o CBCDC yn 2022 ag MA Theatr Gerddorol.
Yn ystod ein blwyddyn pen-blwydd yn 75 oed rydym yn dathlu rhai o’n cyn-fyfyrwyr y dechreuodd eu taith greadigol yma yn CBCDC, yn ogystal â’ch cyflwyno i genhedlaeth newydd o dalent. Gallwch glywed sut mae ein hyfforddiant wedi eu helpu, a sut maent yn gwneud gwahaniaeth yn eu meysydd ac yn eu cymunedau.
Lorem ipsum doler sit amet Youtube seto mor ameriloa. Porab le privacy policy et cookie policy. To view please accept below.
‘Ro’n i’n sglefrio heibio Coleg Brenhinol Cymru yn aml iawn pan o’n i’n ifanc, ac ro’n i bob amser yn meddwl ei fod e ychydig yn fwy elite na’r hyn ro’n i wedi arfer ag e. Am flynyddoedd, do’n i ddim eisiau mynd i brifysgol, ond doedd y swyddi ro’n i’n eu cael ddim yn rhoi llawer o fodlonrwydd i mi, ac roedden nhw’n lladd fy mrwdfrydedd. Dim ond ar ôl i mi ddod i’r Coleg y gwnes i ddechrau teimlo mod i’n cael fy ngwerthfawrogi yn fy maes a dechrau ffynnu.
O’r eiliad y cyrhaeddais i, ro’n i’n teimlo’n gartrefol ymhlith perfformwyr talentog o bob cwr o’r byd. Roedd symud o astudio Safon Uwch yng Nghymru, lle doedd dim llawer o amrywiaeth, i goleg â myfyrwyr o ethnigrwydd a chefndiroedd amrywiol fel chwa o awyr iach. Mae’r gyfadran yn anhygoel, ac mae’r adeilad yn hardd. Rwy’n cofio fy wythnos gyntaf yn iawn, cerdded ar hyd y llawr uchaf a chlywed opera o un ystafell ac offerynnau amrywiol o un arall—roedd e’n teimlo fel Hogwarts cerddorol. Roedd popeth am y lle yn daith hudolus. Roeddech chi’n gallu teimlo brwdfrydedd, penderfyniad ac awch pawb. Roedd bod o gwmpas pobl mor dalentog yn brofiad mor ysbrydoledig ac yn fy ngwthio i wneud mwy.
Ro’n i’n ddigon ffodus i gael mynd yn syth i’r West End ar ôl graddio, a do’n i ddim wedi disgwyl hynny. Oherwydd yr hyfforddiant gefais i, rwy’n teimlo fy mod yn barod i sefyll yn hyderus wrth ymyl unrhyw un yn y diwydiant. Roedd e’n teimlo fel uchafbwynt popeth ro’n i wedi gweithio, hyfforddi, astudio, a byw i’w wneud.’Levi Tyrell Johnson
