Gitarydd
Graddiodd Jonathan o CBCDC yn 2014 gyda gradd BMus (Anrh) Cerddoriaeth.
Yn ystod ein blwyddyn pen-blwydd yn 75 oed rydym yn dathlu rhai o’n cyn-fyfyrwyr y dechreuodd eu taith greadigol yma yn CBCDC, yn ogystal â’ch cyflwyno i genhedlaeth newydd o dalent. Gallwch glywed sut mae ein hyfforddiant wedi eu helpu, a sut maent yn gwneud gwahaniaeth yn eu meysydd ac yn eu cymunedau.
Lorem ipsum doler sit amet Youtube seto mor ameriloa. Porab le privacy policy et cookie policy. To view please accept below.
‘O’r eiliad y cyrhaeddais i’r adeilad, roeddwn i’n gwybod fod rhywbeth arbennig yma. Roedd diddordeb gwirioneddol y panel clyweliadau ynof i, fel unigolyn ac fel cerddor, yn creu awyrgylch croesawgar a oedd yn gosod y naws ar gyfer fy mhrofiad dysgu drwyddo draw. Rhoddodd y cwrs amser gwerthfawr i mi gyda’m hofferyn, gan fy ngalluogi i archwilio ei holl alluoedd mynegiannol.
Mae cydweithio yn ganolog i fywyd cerddor, boed yn gweithio gyda chyfansoddwyr, peirianwyr sain, dawnswyr neu aml-offerynwyr. Mae’r pwyslais ar gydweithio yng Ngholeg Brenhinol Cymru wedi bod yn allweddol wrth symud ymlaen ar fy nhaith gerddorol. Roedd cwrdd a gweithio ochr yn ochr â cherddorion, actorion, rheolwyr llwyfan a dylunwyr theatr gwych yn creu awyrgylch ysbrydoledig i astudio ynddo.
Roedd y cyfleoedd perfformio yn y Coleg yn uchafbwynt yn fy amser yno. Mae perfformio yng Nghanolfan Anthony Hopkins a hefyd yn Neuadd Dora Stoutzker a chael y profiadau perfformio anhygoel hyn yn un o fy hoff atgofion.
Ers graddio o Goleg Brenhinol Cymru, symudais i Lundain ar gyfer fy ngradd ôl-raddedig cyn symud i Valencia, Sbaen lle, ddeng mlynedd ar ôl graddio, rwyf bellach yn falch o fod yn athro yn eu conservatoire.’Jonathan Parkin
