Neidio i’r prif gynnwys
Hafan

Ein llogi ni

Gadewch i ni gynnal eich digwyddiad. Rydym wedi ennill enw da am gynnal digwyddiadau rhyngwladol o’r radd flaenaf, dathliadau personol clos, darllediadau byd-eang a llwyddiannau perfformio cyffrous.

Croeso i'n cyfleusterau o'r radd flaenaf yng nghanol Caerdydd.

Mae ein hadeilad yn hygyrch i bawb ac mae o fewn cyrraedd yn rhwydd i lawer o gysylltiadau trafnidiaeth, felly mae'n lleoliad perffaith ar gyfer eich digwyddiad nesaf. Rydym yn deall bod pob digwyddiad yn unigryw, a bydd ein tîm yn gweithio gyda chi i deilwra pob agwedd ar gyfer eich anghenion a'ch disgwyliadau.

Rheoli digwyddiadau proffesiynol

Drwy ein llogi ni byddwch yn elwa o'n harlwy unigryw ac arbenigedd rheoli digwyddiadau proffesiynol o'r safon uchaf. Fel cynllunio digwyddiadau, cymorth technegol profiadol, arlwyo o safon uchel, gwasanaeth croesawus i gwsmeriaid, a thalentau perfformio rhagorol i ddiddanu eich gwesteion - mae popeth ar gael yn fewnol. Yn ogystal ag arbed amser ac arian i chi, gallwn roi tawelwch meddwl i chi o wybod bod popeth yn cael ei wneud dan un to.

Dewch atom ni a byddwch mewn cwmni da gyda rhai o ddigwyddiadau a sefydliadau mwya'r byd, gan gynnwys NATO, Cynghrair y Pencampwyr UEFA, cystadleuaeth Cerddor Ifanc y BBC, cystadleuaeth BBC Canwr y Byd Caerdydd Cyngres Delynau'r Byd, Elusen Aloud, Cerddorfa Genedlaethol Ieuenctid Prydain, Pinewood Films, Dr Who, Aston Martin ac Admiral Insurance. 

Cysylltwch â ni i drafod eich gofynion. Edrychwn ymlaen at eich croesawu.

Cyfleusterau o’r radd flaenaf

Rydym yma i helpu

Ar gyfer pob ymholiad, cysylltwch â Janet Smith, Rheolwr Lleoliadau
Cysylltwch

Beth mae pobl yn ei ddweud amdanom ni

'O'r ymholiad cyntaf fe wnaethoch chi ddelio â'n harcheb yn broffesiynol iawn. Roedd yr holl gyfarfodydd yn rhoi tawelwch meddwl i ni ac roedden ni'n gwybod bod popeth dan reolaeth gennych. Cawsom sylw heb ei ail, roedd y staff technegol i gyd yn wych ac ar ben arall y radio, fe wnaeth y staff blaen tŷ ein helpu â phob cais, a doedd dim byd yn ormod o drafferth.'
Prifysgol CaerdyddYsgol y Gyfraith a Gwleidyddiaeth
'Hoffwn fynegi fy niolch diffuant i chi a’ch tîm am helpu i wneud ein noson yn un gwbl hudolus. Roedd y bwyd, yr awyrgylch a’r trefniadau yn ardderchog; mae eich proffesiynoldeb a’ch ymroddiad yn ddiguro, ac ni fyddwn yn petruso’r un eiliad cyn argymell eich gwasanaethau a’r lleoliad i eraill. Rwy’n mawr obeithio y byddaf yn cydweithio â chi eto yn y dyfodol.'
Rheolwr GyfarwyddwrCynyrchiadau RLC
'Mae’r rhain yn gyfleusterau o’r radd flaenaf na allwn ond breuddwydio amdanynt pan ddechreuais yn y proffesiwn.'
Syr Bryn TerfelDirprwy Lywydd CBCDC
'Tirnod dinesig newydd i Gaerdydd.'
RIBASefydliad Brenhinol Penseiri Prydain

Cipolwg y tu mewn i’n hadeilad

Ewch ar daith 360 o amgylch ein gofodau
Cychwyn y daith

Ein gofodau

Neuadd Dora Stoutzker

Mae’r ysblennydd Neuadd Dora Stoutzker yn cyfuno pensaernïaeth gyfoes gain gydag acwsteg o’r radd flaenaf; mae ganddi gapasiti o 350 o seddi ac mae llawer o gyngherddau a digwyddiadau uchel eu proffil wedi cael eu cynnal yno.
Rhagor o wybodaeth

Theatr Richard Burton

Mae lle i 180 o bobl eistedd yn Theatr Richard Burton ac mae ganddi gyfleusterau o’r radd flaenaf. Mae ei dyluniad cyfoes yn sicrhau’r berthynas agosaf bosib rhwng y gynulleidfa a’r perfformwyr.
Rhagor o wybodaeth

Canolfan Anthony Hopkins

Mae’r Ganolfan Anthony Hopkins hanesyddol, gyda’i hiard awyr agored drawiadol a’i lôn goed, yn gartref i gyfleusterau pwysig y Coleg, gan gynnwys stiwdios Corus a Weston, theatr stiwdio S4C, sawl ystafell ymarfer cerddoriaeth a stiwdio recordio broffesiynol.
Rhagor o wybodaeth

Galeri Linbury

Mae ein horiel gyhoeddus yn cynnal rhaglen newidiol o arddangosfeydd a rhai o’r digwyddiadau y mae pobl yn edrych ymlaen fwyaf atynt, gan gynnwys yr arddangosfeydd dylunio Cydbwysedd a Chelf y Gellir ei Wisgo sy’n cael eu harwain gan fyfyrwyr.
Rhagor o wybodaeth

Theatr Bute

Gofod perfformio ‘blwch du’ hyblyg sydd â’r holl adnoddau angenrheidiol a chyfleusterau o’r radd flaenaf, ar gyfer hyd at 160 o bobl.
Rhagor o wybodaeth

Cyntedd Carne

Cyntedd Carne yw mynedfa odidog y Coleg, sydd ar agor i bawb ei fwynhau. Mae’n llawn golau naturiol ac mae’n edrych dros Barc Bute, un o barciau trefol mwyaf a harddaf y DU.
Rhagor o wybodaeth

Stiwdio Caird

Gofod stiwdio bach gyda seddi hyblyg ar gyfer hyd at 50 o bobl yw Stiwdio Caird, ac mae’n berffaith ar gyfer profiadau perfformio mwy ymdrochol.
Rhagor o wybodaeth

Bar y Caffi

Yn ein Cyntedd Carne godidog, gyda golygfeydd gwych dros Barc Bute, mae ein bar caffi yn lle gwych i fwynhau awyrgylch creadigol y Coleg – os ydych yn cwrdd â ffrindiau, yn mwynhau ein cyngherddau cerddoriaeth am ddim yn y cyntedd neu’n cymryd rhan mewn sioe.
Rhagor o wybodaeth

Yr Hen Lyfrgell

Rydym wrthi'n trawsnewid adeilad hyfryd yr Hen Lyfrgell yng Nghaerdydd. Yn y tymor byr, byddwn yn ei ddefnyddio ar gyfer ymarferion, tra byddwn yn paratoi'r adeilad ar gyfer y dyfodol. Yn y tymor hir, byddwn yn cynnal rhaglen fywiog o berfformiadau a digwyddiadau cyhoeddus ym maes cerddoriaeth a drama.
Rhagor o wybodaeth

Archwilio’r adran

Perfformiadau ac ysgolion haf

Mae ein neuadd gyngerdd a theatrau o’r radd flaenaf yn fannau poblogaidd i’w llogi ar gyfer digwyddiadau perfformio a chystadlaethau. Gadewch i ni eich croesawu.

Cynadleddau a chyfarfodydd

Mae ein hamrywiaeth boblogaidd o gyfleusterau cynadledda a chyfarfod wedi denu digwyddiadau a chyfarfodydd mawr, megis y rhai ar gyfer NATO, cynhadledd ryngwladol yr Academi Farchnata, cynhadledd Cymdeithas Ewropeaidd y Llyfrgelloedd Gwybodaeth Iechyd ac arddangosfa World Stage Design.

Priodasau

Mae Coleg Brenhinol Cerdd a Drama Cymru wedi’i leoli ar dir Castell Caerdydd, sy’n ffinio ag un o barciau mwyaf a phrydferthaf y DU. Mae’n safle delfrydol i chi a’ch gwesteion.

Llogi perfformwyr

Fel un o ddim ond naw conservatoire cerddorol arbenigol yn y DU, mae ein cerddorion ymysg doniau newydd gorau’r wlad. Gall ein staff profiadol gynghori ar ba berfformwyr sy’n addas i’ch digwyddiad, a byddwn yn gwneud ein gorau i deilwra’r gerddoriaeth i gyd-fynd â’r achlysur.

Ciniawau a derbyniadau

Mae ein lleoliadau trawiadol ar gael at eich defnydd chi’n egsgliwsif, ar gyfer hyd at 200 o westeion cinio ffurfiol a hyd at 500 o westeion derbyniad.

Gweithrediadau technegol

Mae Adran Gweithrediadau Technegol CBCDC yn darparu cefnogaeth dechnegol ar gyfer gwaith academaidd, masnachol a pherfformio’r Coleg.

Newyddion diweddaraf

CBCDC

Y Fonesig Shirley Bassey yw Llywydd newydd Coleg Brenhinol Cerdd a Drama Cymru

Darllen mwy
CBCDC

Coleg Brenhinol Cerdd a Drama Cymru yn lansio Gwobr y Gân Syr Bryn Terfel gwerth £15,000

Darllen mwy
CBCDC

Coleg Brenhinol Cerdd a Drama Cymru yn datgelu cyfnod preswyl arloesol ar gyfer dau bedwarawd llinynnol sydd wedi ennill gwobrau

Darllen mwy
Beth sydd ymlaen

Gwledd hydrefol o gerddoriaeth a theatr

Darllen mwy
CBCDC

Canlyniad ymgynghoriad â staff ynghylch CBCDC Ifanc

Darllen mwy
CBCDC

Diweddariad am CBCDC Ifanc

Darllen mwy
CBCDC

‘Artistig arloesol a thrawsnewidiol i Gymru:’ Coleg Brenhinol Cerdd a Drama Cymru yn cyhoeddi ei Gymrodyr er Anrhydedd 2024

Darllen mwy
Cerddoriaeth

Chwech o sêr y dyfodol i ddod yn Llysgenhadon Diwylliannol Rhyngwladol Ifanc yr Urdd a Choleg Brenhinol Cerdd a Drama Cymru

Darllen mwy
Cerddoriaeth

Gwobr Syr Ian Stoutzker 2024: ‘medal aur’ cerddoriaeth CBCDC

Darllen mwy
CBCDC

Cyhoeddi’r Brenin Charles yn Noddwr Coleg Brenhinol Cerdd a Drama Cymru

Darllen mwy
Gweld y cyfan