Trosolwg
Mae adeilad nodedig trawiadol y Coleg wedi’i leoli yng nghanol Caerdydd yn edrych dros barcdir trefol hyfryd, dim ond 5 munud ar droed o ganol y ddinas a dim ond 15 munud o neuaddau myfyrwyr.
Theatr Richard Burton
Mae lle i 180 o bobl eistedd yn Theatr Richard Burton ac mae ganddi gyfleusterau o’r radd flaenaf. Mae ei dyluniad cyfoes yn sicrhau’r berthynas agosaf bosib rhwng y gynulleidfa a’r perfformwyr.
Gwybodaeth am y theatr
Mae Theatr Richard Burton wedi'i henwi ar ôl un o actorion gorau Cymru. Mae ei chynllun pedol cyfoes a’i lliw porffor tywyll yn ymgilio i sicrhau bod y gynulleidfa yn canolbwyntio’n llwyr ar y perfformiad.
Cymerwch gipolwg ar y tu mewn
Cwmni Richard Burton
Mae’r theatr yn gartref i Gwmni Richard Burton, ein cwmni theatr mewnol lle mae actorion a rheolwyr llwyfan y flwyddyn olaf yn gweithio gyda myfyrwyr o gyrsiau cynhyrchu a dylunio’r Coleg. Bob blwyddyn, byddant yn llwyfannu tua phymtheg o gynyrchiadau, o ddramâu clasurol i rai cyfoes a chyfansoddiadau newydd, wedi’u cyfarwyddo gan weithwyr proffesiynol yn y diwydiant.
Beth mae pobl yn ei ddweud amdanom ni
'Mae’r rhain yn gyfleusterau o’r radd flaenaf na allwn ond breuddwydio amdanynt pan ddechreuais yn y proffesiwn.'Syr Bryn Terfel
