Trosolwg
Mae adeilad nodedig trawiadol y Coleg wedi’i leoli yng nghanol Caerdydd yn edrych dros barcdir trefol hyfryd, dim ond 5 munud ar droed o ganol y ddinas a dim ond 15 munud o neuaddau myfyrwyr.
Canolfan Anthony Hopkins
Mae’r Ganolfan Anthony Hopkins hanesyddol, gyda’i hiard awyr agored drawiadol a’i lôn goed, yn gartref i gyfleusterau pwysig y Coleg, gan gynnwys stiwdios Corus a Weston, theatr stiwdio S4C, sawl ystafell ymarfer cerddoriaeth a stiwdio recordio broffesiynol.
Gwybodaeth am yr adeilad
Mae’r adeilad wedi'i enwi ar ôl un o actorion gorau'r byd, Anthony Hopkins, sy’n gyn-fyfyriwr ac yn is-lywydd y Coleg. Arferai'r adeilad rhestredig Gradd II fod yn floc stablau ar gyfer Castell Caerdydd, ac mae’n gyforiog o gymeriad a naws. Mae’n gartref i gyfleusterau allweddol y Coleg, gan gynnwys theatr stiwdio S4C, nifer o ystafelloedd ymarfer cerddoriaeth, a stiwdio recordio broffesiynol.
