Canllaw i Gaerdydd
Ar y dudalen yma, byddwch yn darganfod popeth y mae angen i chi ei wybod am eich dinas newydd.
Rhagor o wybodaeth
Paratoi i symud i Gaerdydd
Ar y dudalen hon gallwch ddod o hyd i bopeth y mae angen i chi ei wybod am ddod o hyd i lety, a gwneud cais am lety, a sut i baratoi i ddod yma i astudio gyda ni yng Ngholeg Brenhinol Cymru.
Dewis ble i fyw
Ar ôl i chi gael lle yn CBCDC, y peth cyntaf i’w wneud yw dewis ble rydych chi eisiau byw.
Gall dod o hyd i’r llety iawn swnio’n anodd, yn enwedig os dyma’r tro cyntaf i chi fyw oddi cartref.
Ond cofiwch ein bod yn gwarantu llety mewn neuadd breswyl i bob myfyriwr blwyddyn gyntaf, gan gynnwys ein myfyrwyr rhyngwladol a’n myfyrwyr ôl-raddedig.
Efallai y byddwch yn dewis byw mewn llety preifat – felly rydym wedi paratoi ychydig o wybodaeth i’ch helpu, beth bynnag yw eich dewis.
Campws y Coleg: Lle byddwch yn astudio
I’ch helpu i gynllunio ble i fyw, mae gennym wahanol adeiladau ar y campws y gallech eu defnyddio yn ystod eich cyfnod yn y Coleg.
Y ddau brif adeilad yw:
- Ein prif adeilad ar Heol y Gogledd, Caerdydd CF10 3ER
- Stiwdios Llanisien, Parc Busnes Caerdydd, 45 Cilgant Lambourne, Llanisien, Caerdydd CF14 5GG
Mae neuadd breswyl Severn Point tua 12 munud ar droed o’r Coleg, i fyny Heol y Gogledd.
Lleoliad, lleoliad, lleoliad
Os ydych yn dymuno rhentu llety preifat, rydym yn awgrymu eich bod yn chwilio yn ardaloedd cyfagos Cathays a’r Rhath, sydd â chymunedau myfyrwyr go iawn.
Dyma’r ardaloedd mwyaf poblogaidd ar gyfer llety myfyrwyr, ac mae llawer o wahanol opsiynau ar gael i chi.
Mae cysylltiadau trafnidiaeth gyhoeddus rhagorol ar draws y ddinas ar fysiau a threnau, ond oherwydd bod Caerdydd yn ddinas fach, mae’r rhan fwyaf o’r lleoedd aros o fewn pellter cerdded i’r Coleg.
Mae’r Coleg ac Undeb y Myfyrwyr yn gweithio gyda phob myfyriwr yn y Coleg i’w helpu i ddod o hyd i lety addas, a hyd yn oed ffrindiau i rannu llety gyda nhw o bosibl.
Penderfynu pa fath o lety yw’r un gorau i chi
Cadw’n ddiogel yng Nghaerdydd
Mae Caerdydd yn ddinas ddiogel, groesawus sy’n cyrraedd y brig yn rheolaidd mewn pleidleisiau sy’n mesur ansawdd bywyd a diwylliant. Er hyn, i’r rhai hynny sy’n newydd i fyw oddi cartref, rydyn ni a’n partneriaid yn Heddlu De Cymru a Chyngor Caerdydd yn argymell defnyddio ychydig o synnwyr cyffredin er mwyn diogelu eich hun a’ch gwneud yn llai agored i unrhyw droseddau posibl.
Gwybodaeth ddefnyddiol
Canllaw i Gaerdydd
Ar y dudalen yma, byddwch yn darganfod popeth y mae angen i chi ei wybod am eich dinas newydd.
Rhagor o wybodaeth
Beth i ddod gyda chi
Byddwch yn barod i bacio ar gyfer y cam mawr o symud i Gaerdydd! Edrychwch ar ein rhestr wirio ddefnyddiol i wneud yn siŵr nad ydych yn anghofio’r pethau pwysig.
Rhagor o wybodaeth
Cyngor i fyfyrwyr ar gyllidebu
Rydyn ni am i’ch amser yng Ngholeg Brenhinol Cerdd a Drama Cymru fod yn ddifyr ac yn ddi-straen, felly dyma rai awgrymiadau cyllidebu ymarferol i’ch helpu i wneud y mwyaf o’ch arian.
Rhagor o wybodaeth
