Llywodraethiant
Coleg Brenhinol Cerdd a Drama Cymru yw Conservatoire Cenedlaethol Cymru. Mae’n cyfrannu at hunaniaeth ddiwylliannol Caerdydd a Chymru gyfan, ac mae’n denu rhai o’r myfyrwyr mwyaf talentog o bob rhan o’r byd.
Pwy ydym ni
Mae Coleg Brenhinol Cerdd a Drama Cymru yn denu’r dalent greadigol orau o bedwar ban byd. Fel conservatoire cenedlaethol Cymru, rydym yn tanio dychymyg ac yn ysgogi arloesedd, cynnig hyfforddiant i fwy nag 800 o actorion, cerddorion, cynllunwyr, technegwyr a rheolwyr yn y celfyddydau o dros 40 o wledydd.
Cyfunir talent a photensial rhyfeddol ein myfyrwyr gydag addysgu eithriadol a chysylltiadau heb eu hail â diwydiant, i wireddu breuddwydion. Fel lle i bawb, mae uchelgais creadigol a chydweithio yn ganolog i’n rhagoriaeth.
Grymuso rhagoriaeth
Caiff ein myfyrwyr eu trochi mewn amgylchedd diwydiant byw o’r eiliad y maent yn cyrraedd gan ymgysylltu â’r cyhoedd yn eu gwaith ar bob cyfle, a’u cefnogi fwyfwy i gyd-greu cyfnodau preswyl mewn lleoliadau cymunedol amrywiol. Gyda rhai o leoliadau mwyaf clodfawr Cymru, rydym yn gweithredu canolfan gelfyddydau ddeinamig ac mae ein rhaglen berfformio o weithwyr proffesiynol o’r radd flaenaf yn rhan annatod o hyfforddiant y myfyrwyr.
Yn ogystal â rhaglen amrywiol o berfformiadau, sy’n cynnwys myfyrwyr o bob disgyblaeth, mae’r Coleg yn denu artistiaid rhyngwladol blaenllaw, gan roi cyfle i fyfyrwyr ddysgu gan rai o berfformwyr mwyaf adnabyddus y byd. Wedi’n hysbrydoli gan bosibiliadau perfformio ac amrywiaeth greadigol, rydym yn hyrwyddo cydweithredu ac yn grymuso rhagoriaeth yn ei holl ffurfiau. Mae angerdd a
Amrywiaeth Greadigol
Mae calendr digwyddiadau’r Coleg yn llawn o dros 500 o berfformiadau cyhoeddus bob blwyddyn, yn cynnwys cyngherddau cerddorfaol, datganiadau, drama, opera a theatr gerdd. Mae amrywiaeth creadigol y Coleg yn sicrhau amgylchedd ysgogol a phrofiad eang i fyfyrwyr pob disgyblaeth.
Cysylltiadau â'r diwydiant
Mae gan ein hathrawon ymroddedig gyfoeth o brofiad proffesiynol a phrofiad yn y diwydiant ac mae’r Coleg yn cydweithio gyda nifer o sefydliadau celfyddydol uchel eu proffil, yn cynnwys BBC, Opera Cenedlaethol Cymru, artistiaid a chyfarwyddwyr gwadd, er mwyn sicrhau bod natur alwedigaethol unigryw ein rhaglen hyfforddiant yn adlewyrchu arfer ac amodau presennol y byd proffesiynol.
Wedi ein hysbrydoli gan bosibiliadau perfformio ac amrywiaeth greadigol, rydym yn hybu'r arfer o gydweithio ac yn grymuso rhagoriaeth yn ei holl ffurfiau. Mae angerdd a chrefft yn cydblethu â phrofiad a chwarae, gan ddyrchafu, pryfocio, gwthio a thrawsnewid.
Gweithio mewn man diogel
Yn CBCDC, mae gan bawb hawl i weithio mewn man diogel.
Gweledigaeth a strategaeth
Mae ein strategaeth yn cael ei gyrru gan ein gweledigaeth, ein cenhadaeth a'n pwrpas, ac mae wedi'i hategu gan ein gwerthoedd cyffredin. Mae'r strategaeth hon wedi'i chodi ar bum colofn strategol, sy'n rhoi ffocws i'r newid rydym am ei gyflawni fel sefydliad. Ein gweledigaeth yw newid bywydau, a thrawsnewid a chysylltu cymunedau drwy’r celfyddydau.
- Rhagoriaeth a chyfle i bawb
- Traddodiad artistig a gwaith newydd
- Diwylliant Cymru a llwyfan byd-eang
i gynrychioli Cymru fel grym unigryw, creadigol ledled y byd.
Dyma ein pum colofn strategol
- Graddau sy'n canolbwyntio ar y dyfodol gyda phrofiad gwych i'r myfyrwyr ac wedi'u cyflwyno gan saff o'r radd flaenaf mewn cymuned gynhwysol
- Ymgysylltu â'r cyhoedd yn arloesol gan ddod â phrofiadau trawsffurfiol i gymunedau amrywiol ledled Cymru
- Safle byd-eang a phroffil rhyngwladol fel conservatoire
- Amgylchedd ymchwil a menter integredig gan hybu gwaith newydd ac arloesi ar gyfer y celfyddydau
- Model busnes ac arferion cynaliadwy i yrru sefydliad ffyniannus.
Ein gwerthoedd
- Arbenigol a chynhwysol
- Cyfoes a chydweithredol
- Dyfeisgar a chyfrifol
