Darganfod cyrsiau Cefn Llwyfan yn Conservatoire Cenedlaethol Cymru

Mae ein cyrsiau Cefn Llwyfan yn canolbwyntio ar ddatblygu eich sgiliau fel unigolyn a thrwy gydweithio ar draws y Coleg. O ddylunio setiau ac adeiladu pypedau, i ddylunio a chynhyrchu goleuo a sain. Rydym yn ymroddedig i gefnogi eich gyrfa greadigol.

• Mae ein cyrsiau’n cael eu harwain gan ymarferwyr profiadol – sy’n arbenigwyr yn eu maes – felly gallwch fod yn hyderus bod eich hyfforddiant yn bodloni safonau ac arferion gorau cyfredol y diwydiant.
• Rydym yn cynnig cyfleoedd hyfforddi ymarferol, ymdrochol, waeth beth rydych chi’n dewis ei astudio.
• Byddwch yn cael eich hyfforddi yn y lleoliadau yn ein canolfan gelfyddydau ddeinamig. Byddwch yn gweithio ar berfformiadau cyhoeddus sy’n ceisio adlewyrchu’r amgylchedd gwaith proffesiynol, neu’n gwneud yn siŵr bod eich gwaith yn cael ei arddangos mewn amgylchedd o'r fath. 
• Byddwch yn gweithio yn rhai o’r cyfleusterau gorau a mwyaf amrywiol yn y wlad. Mae ein meddalwedd a’n hoffer diweddaraf yn adlewyrchu’r hyn sy’n cael ei ddefnyddio ar draws y diwydiant, felly gallwch fod yn hyderus yn eich gallu wrth gamu i rolau proffesiynol ar ôl graddio.
• Rydym yn arwain y gad o ran hyfforddi cynllunwyr ar gyfer perfformiadau, gyda’n graddedigion yn mynd ymlaen i ennill Golden Globes, Gwobrau Tony a BAFTAs, a mae ein graddedigion hefyd yn cael eu hanrhydeddu’n rheolaidd yng Ngwobrau mawreddog Linbury am Gynllunio Llwyfan.

• Dinas fach, uchelgais fawr:
  Gyda phoblogaeth o tua 350,000 o bobl, mae Caerdydd yn teimlo fel dref fechan er bod llawer o bethau’n digwydd yn y brifddinas trwy gydol y flwyddyn, o fywyd nos bywiog, i ddigwyddiadau chwaraeon (ie, rygbi!) a cherddoriaeth a gwyliau bwyd - mae’r cyfan yn digwydd yn y ‘Diff!

• Dinas cost-gyfeillgar:
  Pleidleisiwyd Caerdydd fel yr ail ddinas fwyaf cost-effeithiol i fyfyrwyr ym Mynegai Byw Myfyrwyr Natwest 2023.

• Cysylltiadau trafnidiaeth gwych:
  Mae’r rhwydweithiau trenau a bysiau yn ei gwneud hi’n hawdd teithio o gwmpas ac archwilio rhannau eraill o Gymru a’r DU. Mae trenau uniongyrchol o orsaf Caerdydd Canolog i Cheltenham, Llundain a Manceinion yn ogystal â llawer o gyrchfannau eraill.

• Mae harddwch naturiol ein cefn gwlad yn chwedlonol:
  Mae Cymru’n genedl o fynyddoedd, dyffrynnoedd, coedwigoedd a llynnoedd godidog, ac mae’n ddigon bychan i’w harchwilio’n hawdd - mae yna hefyd reswm y gelwir Cymru yn ‘wlad y cestyll’.

• Mae’n ddiogel i fyfyrwyr:
  Mae Caerdydd wedi’i phleidleisio yn un o’r pedair dinas fwyaf diogel i fyw ac astudio ynddi, ac fe’i hystyrir yn lle ‘hawdd’ i fyw. Mae gan Gymru enw da am ei chymuned groesawgar - croeso!