MA Cynllunio Cyfryngau Digidol a Chynhyrchu

Ewch ati i graffu'n fanwl ar gynhyrchu dyluniadau fideo trochi ar gyfer perfformiadau byw a rhithwir sy’n tanio dychymyg cynulleidfaoedd ac sy’n gwthio terfynau posibiliadau technegol. 

Drwy gydol y cwrs hwn, byddwch yn creu cynnwys ar gyfer fideo ac yn archwilio technegau mapio fideo wrth ddysgu amrywiaeth o sgiliau cynhyrchu technegol cysylltiedig. Yn dibynnu ar eich arbenigedd - y bydd gennych y rhyddid i'w archwilio yma - cewch gyfle i ddatblygu gwaith sy'n cwmpasu technolegau realiti estynedig (AR) a realiti rhithwir (VR). 

Fel myfyriwr dylunio fideos, byddwch yn gweithio fel gweithiwr creadigol allweddol mewn cynyrchiadau byw a rhithwir yn y Coleg ochr yn ochr â goruchwylwyr fideo proffesiynol sy'n gweithio ar frig eu maes. Byddwch hefyd yn cael eich cyflwyno i’r diwydiant drwy leoliadau yn ystod dwy flynedd eich hyfforddiant, gan eich helpu i greu cysylltiadau gwaith ar gyfer y dyfodol.

Mae cydweithio wrth wraidd y cwrs hwn. Yn eich lleoliadau yng Ngholeg Brenhinol Cerdd a Drama Cymru neu ar y rhai gyda’n partneriaid yn y diwydiant, byddwch yn dysgu am wahanol ddisgyblaethau creadigol ac yn cael blas go iawn ar sut beth yw bod yn aelod o dîm cymorth cynhyrchu – y cyfan i'ch paratoi ar gyfer bywyd ar ôl graddio.

Daw’r cwrs i ben gydag arddangosfa gyhoeddus o waith eich carfan yng Nghaerdydd ac yna am bedwar diwrnod ar y South Bank yn Llundain, sy’n cynnwys noson diwydiant ar gyfer cynulleidfa wadd o ddarpar gyflogwyr

• • Ar y cwrs hwn gyda hyfforddiant ymarferol yn ganolog iddo, byddwch yn datblygu ac yn cymhwyso eich gwybodaeth a’ch sgiliau presennol i faes astudio arbenigol uwch ar lefel broffesiynol.
    
  • Drwy amrywiaeth o brosiectau a gwaith dosbarth, byddwch yn meithrin dealltwriaeth gynhwysfawr o egwyddorion damcaniaethol ac ymarferol dylunio ar gyfer theatr, ffilm a theledu – gan eich gwneud yn hynod ddymunol i gyflogwyr.
    
  • Mae ein staff amser llawn a’r darlithwyr sy’n ymweld i gyd yn ymarferwyr sy’n dal i weithio mewn diwydiant, gyda phroffiliau cenedlaethol a rhyngwladol. Maent yn dod â’r arferion gorau diweddaraf i’ch hyfforddiant.
    
  • Fel rhan o’n cwmni theatr mewnol, gallwch ennill profiad yn y byd go iawn drwy gydol y cwrs hwn a datblygu dealltwriaeth ddofn o sut beth yw gweithio mewn amgylchedd perfformio byw. Cewch gyfle i greu fideo/profiad realiti rhithwir ar gyfer perfformiad neu osodiad hunan-gyfeiriedig, neu weithio fel dylunydd/cynorthwyydd fideo ar gynhyrchiad Coleg neu allanol.
  • Byddwch hefyd yn cael cyfle i sicrhau lleoliadau gyda rhai o’r prif gwmnïau cynhyrchu, fel Bad Wolf, BBC Cymru ac Opera Cenedlaethol Cymru. Mae ein hadran cynhyrchu a dylunio hefyd yn cynnig lleoliadau gyda chwmnïau theatr ac opera blaenllaw ledled y Deyrnas Unedig.
  • Rydym yn arwain y ffordd ym maes technoleg theatr o’r radd flaenaf, a bydd gennych fynediad at ein holl gyfleusterau, fel ein mannau stiwdio dylunio, gweithdai propiau/siop paentio, stiwdio CAD ddynodedig, ystafelloedd golygu a gweithdai celf golygfeydd ac adeiladu ar raddfa fawr.
    
  • Mae’r ffaith bod y garfan yn fach a bod lefel uchel o gymorth gan staff yn golygu eich bod chi'n dysgu mewn amgylchedd gwaith diogel sy’n eich meithrin.
    
  • Cynhelir cyflwyniadau dosbarth meistr drwy gydol y cwrs, gan ymarferwyr rhyngwladol blaenllaw. Wedi eu cynllunio i ategu anghenion astudio arbenigol unigol, mae'r dosbarthiadau hyn yn eich galluogi i ddatblygu gwerthfawrogiad cynhwysfawr o ragoriaeth, ymarfer amlddisgyblaethol a chydweithio ar berfformiadau.
  • Byddwch yn cymryd rhan mewn ymweliadau wedi eu trefnu â chwmnïau theatr lleol, gan gynnig cipolwg ychwanegol ar y diwydiant wrth ei waith. Pan fydd cynyrchiadau mawr yn ymweld â Chaerdydd, byddwn yn ceisio trefnu ymweliadau a threfnu taith neu sgwrs ar gyfer eich carfan.