Dathlu’r Pennaeth Jazz, Paula Gardiner

'Dywed y pianydd, y cyfansoddwr a’r graddedig, Rebecca Nash, ‘Wrth edrych yn ôl ar fy amser fel myfyriwr yng Ngholeg Brenhinol Cerdd a Drama Cymru, Paula yw’r un sy’n dod i’m meddwl fel yr uchafbwynt, fel canolbwynt y cwrs jazz, a’r ysbrydoliaeth fwyaf – nid dim ond i mi, ond i bawb.

'Wna i byth anghofio ei hymrwymiad i wasanaethu’r bydd cerddorol. Yr angerdd a’r gallu i feithrin llais cerddorol pob myfyriwr yn unigol yw un o brif gryfderau cwrs Jazz y Coleg, ac mae’r agweddau hyn wedi chwarae rhan enfawr yn llwyddiant y cwrs. 

Rwy’n teimlo’n hynod falch o fod yn rhan o’r gymuned jazz mae hi wedi’i chreu.

Cawsom gyfle i gael sgwrs gyda Paula i geisio deall yr hyn y mae’n ei olygu iddi hi i rannu ei chariad at jazz gyda chymaint o fyfyrwyr dawnus dros y ddau ddegawd diwethaf:

'Rydw i wedi treulio 22 a hanner o flynyddoedd bendigedig yn CBCDC, gyda’r teitl swydd gorau yn y wlad – Pennaeth Jazz!' meddai.
'A dweud y gwir, ymhell yn ôl yn 2001 pan ddechreuais ‘fy swydd gyntaf’, roeddwn i’n gydlynydd jazz ac un o fy nhasgau cynnar oedd creu cwricwlwm jazz ar gyfer y rhaglen gradd.

Mae’n anodd dychmygu’r dyddiau hynny nawr. Nid oedd adran, dim ond llond llaw o fyfyrwyr a oedd yn awyddus i chwarae’r gerddoriaeth hon.

Nawr, mae graddedigion jazz CBCDC i’w gweld ledled y byd, mewn lleoedd mor bell â Cholombia, Sydney, Shanghai, Llundain a Chaerdydd!

Rhannodd Tomos Williams rai o’i atgofion o hyfforddi yn CBCDC gyda ni:

'Fel cerddor jazz o Aberystwyth, Paula Gardiner oedd yr un enw roeddwn i’n ei gysylltu â ‘jazz Cymru’ ar y pryd ac roeddwn i wedi bod yn gwrando ar ei halbwm gwych Tales of Inclination ers rhai blynyddoedd. Roeddwn wrth fy modd pan welais fod Paula yn dysgu dosbarth jazz i oedolion ar fore Sul yng Nghanolfan Gelfyddydau Chapter – gallwn gael cyfle i gyfarfod a dysgu gan y meistr.

Roedd fy nghyfnod yn y Coleg yn sylfaen wych yn yr hanfodion. Roedd Paula bob amser yn gynhwysol iawn, yn llawn ysbrydoliaeth a wastad yn galonogol - yn gadael i chi ddod o hyd i’ch ffordd eich hun yn hytrach na’ch cyfeirio at lwybr penodol fel y ‘llwybr jazz cywir’.

'Ers hynny rydw i wedi cael y pleser o wahodd Paula i chwarae mewn gwahanol gigs ac roeddwn i bob amser wrth fy modd pan fyddai’n cytuno. Roedd cael Paula ar y bas yn sicrhau y byddai gan y gerddoriaeth urddas a difrifoldeb a fyddai’n mynnu parch, ceid amser gwych, a swing.

Fel cerddorion jazz yng Nghymru mae ein dyled a’n diolch fel cymuned i Paula am ei chynnyrch creadigol ac am fod yn Bennaeth Jazz yn CBCDC am yr ugain mlynedd diwethaf yn aruthrol. Diolch Paula!'

Pedwar diwrnod llawn cerddoriaeth. Yn ogystal â’n graddedigion gwych, bydd y myfyrwyr yn cyflwyno eu hasesiadau diwedd blwyddyn; er mai ‘arholiadau’ swyddogol yw’r rhain, yr hyn y byddwch yn ei glywed yw ystod ryfeddol o rai o’r rhaglenni a gwaith unigol jazz gorau yn y DU.

Cynhelir yr AmserJazzTime olaf ar 30 Mehefin yng Nghyntedd Carne y Coleg, a dyma fydd ein cyfle i ddweud diolch yn fawr wrth Paula. Ymunwch â ni (mae ein sesiynau nos Wener bob amser am ddim!)