Cynrychioli Cymru yn Japan: ymweliad myfyrwyr i ddathlu diwylliant Cymru
Darllen mwy
Camu i’r Llwyfan: Archwilio cyfleoedd i israddedigion yn CBCDC
Mae astudio Perfformio Llais yn CBCDC yn cynnig ystod eang o brofiadau a chyfleoedd, gan gymryd rhan mewn perfformiadau proffil uchel a chynyrchiadau o safon y diwydiant.
Astudio ar gyfer gyrfa amrywiol a boddhaus
Myfyriwr llais israddedig Andrew Woodmass-Calvert yn myfyrio ar yr ystod eang o gyfleoedd sydd yn CBCDC.
Nid dim ond cael cyfleusterau o’r radd flaenaf mewn lleoliad hynod heddychlon ger Parc Bute, mae’r ehangder dihafal o gyfleoedd sydd ar gael yma yn ddelfrydol ar gyfer creu gyrfaoedd prysur. Un o’r agweddau mwyaf cyffrous ar fywyd myfyriwr yn CBCDC yw’r cyfle i gymryd rhan mewn perfformiadau proffil uchel a chynyrchiadau o safon y diwydiant.
'Rwy’n cofio bod mor bryderus ynghylch derbyn cynnig ar gyfer fy nghwrs israddedig.
Ble fyddai’n rhoi’r cyfleoedd gorau i mi? Ble byddwn yn ffynnu? A minnau bellach ym mlwyddyn olaf fy astudiaethau, gallaf ddweud â llaw ar fy nghalon fod Coleg Brenhinol Cerdd a Drama Cymru yn lle gwych i astudio’r llais fel myfyriwr israddedig, yn enwedig os ydych yn dyheu am yrfa amrywiol a boddhaus.'Andrew Woodmass-CalvertMyfyriwr Perfformio Llais
Cwrdd â’r BMus - o’r Cyfnod Baróc i’r West-End
O fewn ein gradd Baglor (BMus Anrh) mae llawer o gyfleoedd i archwilio ystod eang o repertoire, a’r unig gyfyngiad yw eich dychymyg eich hun! Ar gyfer datganiadau a asesir byddwch yn gweithio’n rheolaidd gyda’n grŵp rhyfeddol o hyfforddwyr un-i-un ar repertoire uchelgeisiol, gan arwain at berfformiadau – gyda rhai’n cael eu cynnal yn ein Neuadd Dora Stoutzker eiconig.
Yn ddiweddarach yn y cwrs ceir amrywiaeth o fodiwlau datganiad i fireinio eich diddordebau penodol eich hun, gan gwmpasu popeth o berfformio hanesyddol i arbrofi gyda cherddoriaeth gyfoes.
Mae asesiadau cerddoriaeth siambr yn rhoi cyfle i fyfyrwyr archwilio cyfluniadau ensemble deinamig y tu hwnt i’r datganiad llais a phiano – er enghraifft, mae asesiadau diweddar wedi cynnwys corau siambr a deuawdau yn ogystal â cherddoriaeth ar gyfer llais a gitâr.
Y tu hwnt i’r llwyfan datganiad, mae’r cwrs israddedig yn cynnig modiwlau arbenigol mewn theatr gerddorol, sy’n ddelfrydol ar gyfer ehangu eich sgiliau llwyfan gyda choreograffwyr proffesiynol a hyfforddiant theatr gerddorol. Yn eu pedwaredd flwyddyn, mae llawer o fyfyrwyr yn dewis parhau i archwilio’r repertoire hwn yn y modiwl Datganiad Theatr Gerddorol.
Mae’r Opera Ysgolion yn gyflwyniad perffaith i berfformio operatig, a gweithio fel cwmni opera teithiol bach proffesiynol.
Gan weithio gydag ymarferwyr allgymorth allweddol, er enghraifft yn WNO, yn ogystal â staff a chyfarwyddwyr cerdd, mae myfyrwyr yn rihyrsio opera fer sy’n mynd ar daith o amgylch ysgolion. Dewisir yr operâu i roi cyfle i bob myfyriwr ddisgleirio a mireinio sgiliau allweddol, o dan oruchwyliaeth arbenigol gweithwyr proffesiynol y diwydiant.
Tapestri o berfformiadau - cyfleoedd y tu hwnt i’r cwrs
Mae Coleg Brenhinol Cerdd a Drama Cymru wedi ymrwymo i ddarparu ystod eang o berfformiadau myfyrwyr fel rhan o’i raglennu parhaus. Mae hyn yn cynnwys cydweithio ag ensembles nodedig o Brydain sy’n cynnwys Opera Cenedlaethol Cymru a Genesis Sixteen (rhaglen ieuenctid The Sixteen Choir).
Mae ein Gala Opera blynyddol, gydag unawdwyr o Ysgol Opera David Seligman, yn uchafbwynt y calendr sy’n cynnig cyfle i gantorion israddedig berfformio detholiad eang o gorysau opera ochr yn ochr â Cherddorfa WNO.
Mae cydweithio â Chorws enwog WNO, yn perfformio repertoire corawl ac operatig, yn rhoi profiad amhrisiadwy i fyfyrwyr weithio ochr yn ochr â choryddion proffesiynol, gan gryfhau sgiliau rihyrsio a pherfformio trwy brofiad ymarferol.
‘Dyma oedd fy nghydweithrediad cyntaf gyda Chorws WNO.
Roedd gweld lefel y sgiliau cerddorol yr oeddent yn eu cynnwys yn eu hymarfer yn brofiad ysbrydoledig, a helpodd hyn fi i sylweddoli drosof fy hun y gallu technegol y mae’n rhaid i rywun ei gyflawni i fod yn llwyddiannus yn y diwydiant.’Lucas GomesMyfyriwr Perfformio Llais
Gweithio gyda’r genhedlaeth nesaf o gyfansoddwyr
Mae Harry Christophers yn Gymrawd y Coleg, ac mae’r cysylltiadau agos â Genesis Sixteen yn golygu y gall myfyrwyr berfformio mewn cyngherddau ar y cyd â’r côr nodedig a Chonsort Baróc CBCDC.
Yn ogystal â meithrin cariad at berfformiadau hanesyddol, mae’r Coleg yn rhoi’r un pwyslais ar berfformio cerddoriaeth newydd a’r uchafbwynt yw perfformiadau yng Ngŵyl Awyrgylch, sy’n dathlu cerddoriaeth gan fyfyrwyr cyfansoddi y Coleg.
'Mae gweithio gyda Harry Christophers, sydd â dealltwriaeth a set sgiliau mor arbenigol, wedi rhoi persbectif ffres ac ysbrydoliaeth i mi.”
O gael y cyfle i weithio gyda chyfansoddwyr, roedd Ellen yr un mor angerddol: “mae wedi bod yn uchafbwynt fy mhrofiad yn CBCDC: mae meithrin cysylltiadau a pherthynas â’r genhedlaeth nesaf o gyfansoddwyr wedi creu cyffro ynof i fynd allan i’r diwydiant a chreu cerddoriaeth.’Ellen StewardMyfyriwr Perfformio Llais
Cynyrchiadau dan arweiniad myfyrwyr: paratoi ar gyfer y diwydiant
Mae menter myfyrwyr RepCo unigryw y Coleg yn galluogi myfyrwyr i gyflwyno eu cynyrchiadau uchelgeisiol eu hunain.
Caiff myfyrwyr eu mentora drwy gydol y broses o greu perfformiad, o werthu eu syniadau i rihyrsio a mireinio eu sgiliau, gan roi profiad ymarferol iddynt o drefnu cynhyrchiad a pherfformio’n broffesiynol.
Gydag ymrwymiad i safonau diwydiant, mae myfyrwyr nid yn unig yn datblygu fel perfformwyr ond hefyd yn meithrin dealltwriaeth ddyfnach o’r broses gynhyrchu. Mae’r profiad hwn yn helpu myfyrwyr i ehangu eu rhwydwaith a chael mewnwelediad amhrisiadwy i’r hyn sydd ei angen i fod yn barod ar gyfer diwydiant fel canwr yn yr unfed ganrif ar hugain.
Opera - ymdrech ensemble
Fel prifddinas Cymru, mae dinas Caerdydd yn cynnig yr holl gyfleoedd perfformio lefel uchel a ddaw gyda hynny tra’n dal i deimlo’n gartrefol ac yn gwbl gerddadwy.
Wedi’i leoli ym Mae Caerdydd, mae Corws Cerddorfa Genedlaethol Gymreig y BBC yn cynnig llawer o leoedd i gantorion CBCDC, rhai ar fwrsariaethau cystadleuol â thâl, tra bod Opera Cenedlaethol Cymru, sy’n esiampl o berfformiadau operatig o’r radd flaenaf, hefyd yn cynnig cyfleoedd. Yn eu cynhyrchiad diweddar o The Magic Flute, castiwyd myfyrwyr y Coleg ar y cyfan fel y ‘Three Young Ones’.
‘Fe wnes i berfformio yn ein cynhyrchiad o A Midsummer Night’s Dream yn fy nhymor cyntaf. Creodd y cyfarwyddwr proffesiynol Matthew Eberhardt amgylchedd proffesiynol, ond cyfforddus ac anogol, gan feithrin deialog rhwng y cast a’r criw.
Crëwyd ymdeimlad gwirioneddol o gymuned drwy gydol y broses rihyrsal. Fe wnes i wir fwynhau bod yn rhan o’r cast hwn o unigolion o’r un anian sy’n cyflawni gwaith da ac rydw i mor falch o’r hyn y gallwn ei greu gyda’n gilydd.'Kylie HansenMyfyriwr Perfformio Llais Rhyngwladol
Caerdydd - prifddinas cerddoriaeth
Fel prifddinas Cymru, mae dinas Caerdydd yn cynnig yr holl gyfleoedd perfformio lefel uchel a ddaw gyda hynny tra’n dal i deimlo’n gartrefol ac yn gwbl gerddadwy.
Wedi’i leoli ym Mae Caerdydd, mae Corws Cerddorfa Genedlaethol Gymreig y BBC yn cynnig llawer o leoedd i gantorion CBCDC, rhai ar fwrsariaethau cystadleuol â thâl, tra bod Opera Cenedlaethol Cymru, sy’n esiampl o berfformiadau operatig o’r radd flaenaf, hefyd yn cynnig cyfleoedd. Yn eu cynhyrchiad diweddar o The Magic Flute, castiwyd myfyrwyr y Coleg ar y cyfan fel y ‘Three Young Ones’.
Don Giovanni: dehongliad ffres
Mae perfformio mewn Operâu yn CBCDC yn rhoi cyfle i fyfyrwyr berfformio mewn amrywiaeth o leoliadau theatr proffesiynol, gan ennill gwybodaeth hollbwysig o sut i weithio orau yn y mannau hyn.
Rydym newydd berfformio ein cynhyrchiad beiddgar o ‘Don Giovanni’. Gyda gweledigaeth artistig y cyfarwyddwr proffesiynol Isabelle Kettle, rydym wedi bod yn archwilio sut y gall yr opera hon weithio mewn cyd-destun modern, gan leihau’r themâu problemus ac isleisiau misogynistaidd ar gyfer dehongliad ffres sy’n dod â chyfiawnder i’r cymeriadau benywaidd.
