MMus Arwain Cerddorfaol

Gyda’n rhaglen meistr arbenigol, byddwch yn dysgu sut mae bod yn arweinydd creadigol gyda steil ac awdurdod.

Mae ein cwrs yn hyblyg, sy’n eich galluogi i deilwra eich astudiaethau i gyd-fynd â’ch diddordebau cerddorol a’ch uchelgais o ran gyrfa. Cewch eich arwain gan gerddorion proffesiynol, a fydd yn gweithio gyda chi i ddatblygu eich cryfderau a’ch sbarduno i fod yr artist mwyaf dawnus y gallwch fod.

Ochr yn ochr â’ch hyfforddiant, byddwch yn ennill yr holl sgiliau proffesiynol sydd eu hangen arnoch i ddilyn gyrfa yn y diwydiant celfyddydau sy’n newid drwy’r amser.

Y tu allan i’r dosbarth, gallwch gymryd rhan mewn gyfleoedd arwain a chyfarwyddo – o ensembles, ymarferion a chynyrchiadau’r Coleg i berfformiadau myfyrwyr sy’n hyrwyddo eu hunain.

Mae’r cysylltiadau cydweithredol sydd gennym â’r diwydiant celfyddydau yn allweddol i’r rhaglen hon – fel Cerddorfa a Chorws Cenedlaethol Cymreig y BBC ac Opera Cenedlaethol Cymru – sy’n rhoi cyfle i chi rwydweithio a chael cipolwg heb ei ail ar sut mae’r busnes yn gweithio.

Mae ein rhaglen yn rhoi cyfle i chi wirioneddol wthio eich ffiniau artistig, meithrin partneriaethau creadigol cryf a pharatoi eich hun yn llwyddiannus ar gyfer y cam nesaf yn eich gyrfa gerddorol.

• Mae eich hyfforddiant arbenigol yn cyfuno cymysgedd o wersi un i un a gwersi grŵp (sef yr hyn rydym yn ei alw’n ‘brif astudiaeth’). Mae’n cynnwys dosbarth techneg arwain sy’n cynnwys astudio ac ymarfer techneg i ffwrdd o’r gerddorfa.
• Er mwyn cefnogi eich prif astudiaeth, byddwch yn cymryd rhan mewn dosbarthiadau arwain, yn ogystal â thiwtorialau dadansoddi ymarferion. Bydd gennych chi weithdai mewn darllen sgoriau, hyfforddiant clywedol ac astudiaethau repertoire ehangach hefyd.
• Mae ein rhestr drawiadol o diwtoriaid yn cynnwys unawdwyr offerynnol a lleisiol adnabyddus a cherddorion siambr, hyfforddwyr nodedig, cyfansoddwyr blaenllaw, arweinwyr ac artistiaid creadigol mewn amrywiaeth o genres – yn ogystal â’r prif chwaraewyr mewn ensembles a cherddorfeydd mawr. Maent yn eich mentora yn ogystal â chynnig cyfleoedd rhwydweithio ac addysg o’r radd flaenaf i chi.
• Byddwch yn cael profiad ymarferol, gydag amrywiaeth o gyfleoedd i gyfarwyddo ensembles y Coleg, ymarferion cerddorfaol a chynyrchiadau, neu i arwain perfformiadau myfyrwyr sy’n hyrwyddo eu hunain.
  
• Gyda’n rhaglen astudio, gallwch lunio eich modiwlau craidd i gyfateb i’ch sgiliau a’ch nodau gyrfa. Gyda rhai modiwlau, bydd gennych rywfaint o hyblygrwydd o ran sut cewch eich asesu.
• Byddwch hefyd yn cael cyfleoedd niferus i weithio gyda myfyrwyr ar eich cwrs, yn ogystal â’r rheini sy’n astudio ar ein cyrsiau drama. Mae’n cynnig ffordd greadigol o wella eich sgiliau a meithrin perthnasoedd sy’n gallu para ymhell ar ôl eich cyfnod yn y brifysgol.
• Rydym wedi meithrin cysylltiadau cryf â sefydliadau celfyddydol cenedlaethol, fel Cerddorfa a Chorws Cenedlaethol Cymreig y BBC ac Opera Cenedlaethol Cymru. Maent yn gwahodd ein myfyrwyr yn rheolaidd i arsylwi ar eu harweinwyr ar waith, yn aml gyda chyfleoedd i drafod y broses wedyn. Gallwch hefyd arsylwi ar gerddorfeydd a chorau sy'n ymweld fel rhan o Gyfres o Gyngherddau Rhyngwladol Neuadd Dewi Sant.
• Byddwch yn treulio’r rhan fwyaf o’ch ail flwyddyn yn datblygu prosiectau proffesiynol, sy’n gysylltiedig â sefyllfaoedd yn y byd go iawn. Mae’r meysydd y gallwch ganolbwyntio arnynt yn cynnwys ymchwil, addysgu, cerddoriaeth gymunedol, ymarfer creadigol cydweithredol, cyfansoddi a chelfyddyd ddigidol. Er mwyn cefnogi eich gwaith, byddwch yn cwrdd yn rheolaidd â mentor arbenigol, a fydd yn cynnig arweiniad i’r diwydiant ac yn helpu i ehangu eich rhwydwaith o gysylltiadau yn y diwydiant.
• Bob blwyddyn bydd artistiaid rhyngwladol adnabyddus yn ymweld â’r Coleg fel rhan o’n rhaglen berfformio. Gallwch gymryd rhan yn eu dosbarthiadau meistr i fyfyrwyr lle byddwch yn cael gwybodaeth a chyngor am ddatblygu eich gallu artistig i lefel uwch.
• Er mwyn datblygu eich arbenigedd, gallwch hefyd feithrin perthynas waith gydag ensemble yn y Coleg heb fod yn gerddorfa (fel cerddorfa chwyth, band pres neu gôr siambr). Gallwch helpu’r arweinydd rheolaidd a dirprwyo i ymarfer repertoire dethol gan leisiau sy’n cael eu tangynrychioli.
• Cewch gyfle i ddatblygu eich rhaglen eich hun o repertoire hanfodol mewn trafodaeth â’r arweinydd preswyl, gan eich galluogi i amrywio eich diddordebau neu gyfuno eich arbenigeddau.
• Drwy ein seminarau cyflogadwyedd rheolaidd, byddwch yn dysgu sut mae sefydlu eich hun fel artist annibynnol a datblygu gyrfa bortffolio lwyddiannus. Byddwn yn ymdrin â phynciau fel rhwydweithio, cyfryngau cymdeithasol, treth a chyllid a cheisiadau am gyllid.