Y Fonesig Shirley Bassey yw Llywydd newydd Coleg Brenhinol Cerdd a Drama Cymru
Darllen mwy
Llety
Mae safle Severn Point, neuaddau preswyl Coleg Brenhinol Cerdd a Drama Cymru, yn ddiogel a dan reolaeth lwyr, a dim ond 10 munud ar droed o'r Coleg.
Eich cartref newydd
Mae’r llety yn Severn Point wedi’i rannu i fflatiau o chwe ystafell ac mae’n cynnwys cegin a mannau byw o ansawdd uchel sydd wedi’u gosod yn llawn. Mae pwyntiau ffôn a data yn yr holl ystafelloedd gwely en suite. Hefyd, mae bloc ar wahân wedi’i neilltuo ar gyfer myfyrwyr rhyngwladol ac ôl-radd yn unig. Gall y Coleg sicrhau ystafell yn y neuaddau preswyl i chi fel myfyriwr newydd (israddedig ac ôl-radd) sy’n cychwyn ym mis Medi ac yn gwneud cais am lety cyn y dyddiad cau.
Gweld eich cartref newydd
Manteision
- Biliau wedi’u cynnwys yn y pris
- Cyfleusterau golchi dillad
- Hygyrch i ddefnyddwyr cadair olwyn
- Wi-Fi a band eang cyflym
- Man storio beics
- Gwasanaeth post i dderbyn parseli ac eitemau y mae’n rhaid llofnodi i'w derbyn
- Yswiriant cynnwys personol yn y pris
- Diogelwch 24 awr a mynediad electronig
Mae'r rhent yn £154.74 yr wythnos, gan gynnwys biliau, ar gyfer y flwyddyn academaidd 2024/25. Rydym yn eich cynghori i lofnodi cytundeb 43 wythnos er mwyn sicrhau mai chi sydd biau’r ystafell yn ystod gwyliau’r Nadolig a’r Pasg – sy’n golygu na fydd rhaid i chi fynd â’ch eiddo i gyd adref!
Mae Severn Point yn cael ei reoli gan Unite Students. Os ydych chi wedi cael cynnig lle i astudio yng Ngholeg Brenhinol Cerdd a Drama Cymru, peidiwch â gwneud cais drwy Unite Students yn uniongyrchol – bydd y rhent yn ddrutach. Yn hytrach, anfonwch e-bost at y gwasanaethau i fyfyrwyr neu ffoniwch 029 2039 1321.
I gael rhagor o wybodaeth, ewch i wefan Unite Students.
Ewch ar daith rithwir o amgylch Severn Point
Lleoliad, lleoliad, lleoliad
Mae gennym nifer o adeiladau ar y campws y gall myfyrwyr eu defnyddio yn ystod eu hamser yn y Coleg. Dyma’r prif rai:
- Ein prif adeilad ar Heol y Gogledd, Caerdydd CF10 3ER
- Stiwdios Llanisien, Parc Busnes Caerdydd, 45 Lambourne Crescent, Llanisien, Caerdydd CF14 5GG
Rydym yn eich cynghori i geisio chwilio am eiddo yn ardaloedd Cathays a’r Rhath. Dyma’r mannau mwyaf poblogaidd ar gyfer llety i fyfyrwyr a bydd sawl opsiwn ar gael i chi. Mae cysylltiadau trafnidiaeth gyhoeddus rhagorol ar draws y ddinas ar fysiau a threnau, ond oherwydd bod Caerdydd yn fach, mae’r rhan fwyaf o’r ddarpariaeth llety o fewn pellter cerdded i’r Coleg.
Dewis gyda phwy rydych chi'n byw
Mae’r Coleg ac Undeb y Myfyrwyr yn gweithio’n frwd gyda holl fyfyrwyr y Coleg i helpu i ddod o hyd i lety addas a hyd yn oed pobl i chi fyw gyda nhw.
Gellir lleoli myfyrwyr newydd gyda myfyrwyr presennol y Coleg sydd ag ystafelloedd sbâr neu gallent ddod o hyd i lety drwy ddefnyddio’r cynllun ‘Dod o hyd i Ffrind’ unigryw ond llwyddiannus iawn.
Anfonir pecynnau gwybodaeth at fyfyrwyr newydd ar ôl iddynt dderbyn eu lle yn y Coleg. Mae’r wybodaeth hon hefyd ar gael i holl fyfyrwyr y Coleg ac fe’i darperir i helpu i wneud y broses yn haws i chi.
Agos at gyfleusterau lleol
Mae Severn Point ac ardal Cathays yn agos iawn i siopau bwyd, meddygon, deintyddion a’r ysbyty, sy’n golygu ei bod yn hawdd teithio ar droed i gael eich hanfodion bob dydd.
| O Severn Point | Pellter i’r prif adeilad - 0.7 milltir |
|---|---|
| O Cathays | Pellter i’r prif adeilad - rhwng 0.3 ac 1 filltir |
| O Severn Point | Pellter i Stiwdios Llanisien - 2.6 milltir |
|---|---|
| O Cathays | Pellter i Stiwdios Llanisien - 2.9 milltir |
| O Severn Point | Amser bws i Stiwdios Llanisien - 18-21 munud (27) |
|---|---|
| O Cathays | Amser bws i Stiwdios Llanisien - 25-30 munud (28/28A/28B) |
| O Severn Point | Amser cerdded - 13 munud |
|---|---|
| O Cathays | Amser cerdded - 6-20 munud |
| O Severn Point | Amser beicio - 3-8 munud |
|---|---|
| O Cathays | Amser beicio - 5-12 munud |
| O Severn Point | Archfarchnad agosaf - Lidl (Rhes Cathays) neu Tesco Extra ac Aldi (Ffordd Excelsior) |
|---|---|
| O Cathays | Archfarchnad agosaf - Lidl (Rhes Cathays) |
| O Severn Point | Siop agosaf - Tesco (Ffordd y Gogledd) |
|---|---|
| O Cathays |
| O Severn Point | Meddygfa: Meddygfa Ffordd y Gogledd, 182 Ffordd y Gogledd, Caerdydd, CF14 3XQ |
|---|---|
| O Cathays |
