Jacob Shaw

Rôl y swydd: Tiwtor Soddgrwth

Adran: Llinynnau

Bywgraffiad Byr

Jacob yn rhoi darlithoedd a sgyrsiau rhyngwladol yn rheolaidd ar entrepreneuriaeth mewn cerddoriaeth glasurol, rheoli prosiectau a datblygu busnes yn y byd cerddoriaeth. Yn 2022 cafodd ei enwebu ar gyfer y wobr SydkystDanmarks Ildsjæl, sef gwobr “enaid y tân” Arfordir Deheuol Denmarc ac ef oedd enillydd un o wobrau mwyaf mawreddog Denmarc am ei wasanaethau i gerddoriaeth. Yn 2022, rhoddwyd Shaw ar restr Talent-100 o'r bobl fusnes orau yn Nenmarc, gan atodiad ariannol papur newydd cenedlaethol Berlingske, am ei wasanaethau fel entrepreneur diwylliannol.

Yn 2016 aeth Jacob ati i greu sefydliad i helpu cerddorion ifanc – Ysgol Soddgrythau Sgandinafia (SCS) – sy'n defnyddio dulliau anghonfensiynol o addysg, gan gynnwys cyngherddau allgymorth ac ymdrechu i fod yn hunangynhaliol.

Yn ystod y blynyddoedd diwethaf mae Jacob wedi cyfuno ei sgiliau ac wedi creu asiantaeth ymgynghori arbenigol, SCS Consultancy, sy’n gweithio’n rheolaidd i arweinwyr diwydiant megis Deutsche Grammophon, Decca, Warner Classics a Universal Music – yn ogystal â gweithio ar brosiectau arbennig ym myd busnes i gleientiaid sy’n cynnwys Ernst & Young a McKinsey & Company. Ym mis Ebrill 2022, camodd Jacob Shaw i rôl Cyfarwyddwr Diwylliant yn Stevns Klint, Safle Treftadaeth y Byd UNESCO, am flwyddyn.

Goruchwyliodd y broses gyfan o ddatblygu cynllun diwylliannol, artistig a chynllunio digwyddiadau, yn y ganolfan o safon fyd-eang a agorwyd gan Frenhines Denmarc ym mis Hydref 2022.

Arbenigedd

Rhwng 2018 a 2020 roedd Jacob Shaw yn Athro Soddgrwth yn yr Academia Marshall yn Barcelona, Sbaen lle bu’n hawlio “Cadair y Cassado”. Gadawodd y rôl hon i ganolbwyntio ar ddatblygu’r dosbarth soddgrwth yn Ysgol Soddgrythau Sgandinafia. Mae’r ysgol yn cwmpasu talentau rhagorol pobl ifanc 16-25 oed o bob cwr o'r byd, sy'n ennill cystadlaethau rhyngwladol mawr yn rheolaidd, sydd yn y prif safleoedd mewn cerddorfeydd symffoni, ac sy'n ymddangos am y tro cyntaf ar gryno ddisgiau labeli mawr. Rhwng 2009 a 2022 ef oedd cyfarwyddwr artistig Festival International de Musique de Chambre en Charente. Sefydlodd “Radical Classic” fel mudiad amgen i ddatblygu cenhedlaeth amrywiol a newydd o bobl sy’n caru cerddoriaeth glasurol. Mae Jacob Shaw yn Athro Soddgrwth yng Ngholeg Cerdd Brenhinol Gogledd Lloegr (Manceinion).