Llety preifat

Fyddai’n well gennych chi fyw mewn llety preifat yn hytrach na neuadd? Dim problem, gallwn helpu â hynny hefyd.

Byw mewn llety preifat

Mae’r Coleg ac Undeb y Myfyrwyr yn gweithio gyda phob myfyriwr i’w helpu i ddod o hyd i lety addas, a hyd yn oed ffrindiau i rannu llety gyda nhw o bosibl.

Dod o hyd i’ch llety eich hun

Mae gennych yr opsiwn i rentu drwy asiantaeth osod neu yn uniongyrchol gan landlord.

A chofiwch ymuno â thudalen fforwm Facebook CBCDC – grŵp Facebook caeedig sy’n cynnig cefnogaeth, cymorth a chyngor.

I gael rhagor o arweiniad ar ddod o hyd i lety preifat, gallwch hefyd edrych ar dudalennau gwe Prifysgol De Cymru.

Rhagor o wybodaeth

Yn agos at bopeth y mae arnoch ei angen

Mae ardal Cathays yn agos iawn at siopau bwyd, meddygon, deintyddion a’r ysbyty, sy’n golygu ei bod yn hawdd teithio ar droed i gael eich hanfodion bob dydd.

Cathays	Pellter i’r prif adeilad - rhwng 0.3 ac 1 filltir

Cathays	Pellter i Stiwdios Llanisien - 2.9 milltir

Cathays	Amser cerdded - 6-20 munud

Cathays	Amser beicio - 5-12 munud

Cathays	Amser bws i Stiwdios Llanisien - 25-30 munud (28/28A/28B)

Cathays	Archfarchnad agosaf - Lidl (Cathays Terrace)

Rhai o’r pethau i gadw llygad amdanynt wrth rentu

Gwnewch yn siŵr eich bod yn mynd i weld yr eiddo bob amser cyn llofnodi cytundeb tenantiaeth.

Ydy’r biliau wedi’u cynnwys yn y pris? Oes gennych chi ddigon o arian, ac allwch chi osgoi’r holl gostau ychwanegol – biliau/taliadau rhyngrwyd ac ati?

Oes arnoch chi angen gwarantwr? Siaradwch â’r tîm Gwasanaethau Myfyrwyr os oes gennych unrhyw broblemau â hyn.

Faint ydy’r blaendal ac oes yna gynllun diogelu blaendal?

Gwnewch yn siŵr bod rhestr glir o bopeth sydd yn y tŷ, sy’n golygu y byddwch yn gwybod beth fydd yno pan fyddwch yn symud i mewn. Mae hyn hefyd yn golygu y bydd yn haws i chi gael eich blaendal yn ôl ar diwedd eich tenantiaeth.

Darllenwch y cytundeb tenantiaeth yn ofalus – er enghraifft, oes rhaid i chi dalu dros yr haf?

Diogelwch – sut ydych chi’n teimlo ynglŷn â dod yn ôl yn hwyr yn y nos? Beth yw’r cysylltiadau trafnidiaeth ar ôl iddi dywyllu?

Siaradwch â’r tenantiaid presennol – ydyn nhw wedi cael unrhyw broblemau â lleithder, biliau, ac ati?

Dewis gyda phwy rydych chi’n byw - ein cynllun Dod o hyd i Ffrind

Rhagor o wybodaeth

Cofiwch fod ein tîm Gwasanaethau Myfyrwyr cyfeillgar yma i’ch helpu pan fyddwch yn gwneud cais am lety.

Rhagor o wybodaeth

Darllen pellach

Os oes arnoch angen rhagor o wybodaeth ynglŷn â dewis y llety iawn, gall yr adnoddau hyn helpu:

Prifysgol De Cymru: Dewis lle i fyw – Canllawiau ar y mathau o lety myfyrwyr sydd ar gael, gan gynnwys awgrymiadau ar wneud y dewis gorau i chi.
Llety Caerdydd – Canllaw cynhwysfawr i lety myfyrwyr yng Nghaerdydd, â chyngor ar rentu llety preifat, chwilio am dŷ, a hawliau tenantiaid.