Alison Lambert

Astudiodd Alison yn y Royal Northern College of Music cyn ennill ysgoloriaeth i astudio gyda'r Athro Wolfgang Meyer yn y Staatliche Hochschule für Musik Karlsruhe yn yr Almaen.

Mae ganddi yrfa eang mewn perfformio cerddorfaol a siambr ac fel unawdydd.

Ymddangosodd fel Prif Glarinetydd Gwadd gyda Cherddorfa Genedlaethol Gymreig y BBC ac Opera Cenedlaethol Cymru a hi yw Prif Glarinetydd Cerddorfa Symffoni Lloegr ac Opera Gŵyl Longborough. Perfformiodd hefyd gyda Cherddorfa Symffoni Bournemouth a Cherddorfa Ffilharmonig Frenhinol Lerpwl ac ymhellach i ffwrdd fel Prif Glarinetydd Bas Cerddorfa Symffoni Jeriwsalem.

Fel unawdydd, mae Alison wedi perfformio gyda Cherddorfa Hallé, Cerddorfa Symffoni Lloegr, Cerddorfa Hillel, Jerwsalem, a Collegium Musicum, Heidelberg. Mae ei darllediadau yn cynnwys perfformiad byw ar Radio 3 o Bumawd Clarinét Magnus Lindberg ac ymddangosiadau cerddorfaol yn Proms y BBC.

Alison yw un o sylfaenwyr yr Isbourne Trio, sydd â'r genhadaeth artistig o hybu repertoire mwy amrywiol ar gyfer Clarinét, Llais Soprano a Phiano. 

Mae Alison yn diwtor Clarinét a Chlarinét Bas yng Ngholeg Brenhinol Cerdd a Drama Cymru ers 2003.