Trosolwg
Rydym yn cynnig gofod meithringar, creadigol i bobl ifanc i archwilio a datblygu eu doniau unigol a'r sgiliau sydd eu hangen arnyn nhw i gyflawni eu potensial.
Ysgolian haf
Rydym yn falch iawn o gyhoeddi bod ein Hysgol Haf YPPA ar agor i'w harchebu!
Mae ein gwersylloedd haf yn gyfle unigryw i ddatblygu sgiliau newydd mewn amgylchedd hwyliog a chefnogol
Dylunio ar gyfer Llwybr Perfformiad a Llwybr Theatr Dechnegol (Addas ar gyfer 14-18 oed)
Archwiliwch y sgiliau a'r prosesau y mae timau cynhyrchu yn ymgymryd â phrosiect trochi pedwar diwrnod cyffrous.
Gan weithio o fewn un o ddau lwybr arbenigol, ac fel tîm cydweithredol, byddwch yn dysgu sut i ddod â byd cynhyrchiad yn fyw. Bydd ein tiwtoriaid arbenigol yn eich helpu i feithrin eich sgiliau a darganfod rhai newydd i baratoi cyflwyniad cyhoeddus o'ch gwaith ar y diwrnod olaf yn un o leoliadau perfformio CBCDC.
Cyfle gwych i unrhyw un sydd â diddordeb mewn dysgu rhai o'r sgiliau sydd eu hangen ar gyfer gyrfaoedd mewn: Dylunio Set Theatr a Ffilm, Dylunio Gwisgoedd, Celf a Dylunio, Darlunio, Gwneud Pypedau/Prop, Ffasiwn, Dylunio Goleuo, Dylunio Sain neu Reoli Llwyfan.
Mae'r Gweithdai Dylunio yn cynnwys; Datblygu cysyniadau dylunio, gwneud propiau, gwisgoedd, celf golygfaol, lluniadu technegol a sgiliau cyflwyno.
Mae Gweithdai Theatr Dechnegol yn cynnwys; dylunio a gweithredu goleuadau, dylunio sain, effeithiau arbennig a sgiliau rheoli llwyfan.
Dyddiad: Dydd Mawrth 23ain – Dydd Gwener 26 Gorffennaf 2024
Amseroedd: 10am – 4pm
Cost: £150
Archwilio Gwersyll Haf Cefn Llwyfan (Addas ar gyfer 11-13 oed)
Eisiau rhoi cynnig ar wneud prop, neu gael eich dwylo ar ddesg goleuo? Beth am ddylunio gwisg neu wneud effeithiau sain? Bydd ein gwersyll haf tridiau yn rhoi cyfle i chi adeiladu eich sgiliau cefn llwyfan a darganfod rhai newydd mewn awyrgylch creadigol, hwyliog a chefnogol. Yna bydd eich gwaith yn cael ei arddangos ar gyfer cyflwyniad cyhoeddus ar eich diwrnod olaf yn un o leoliadau perfformio CBCDC yn!
Bydd y gweithdai yn cynnwys; gwneud propiau, dylunio set a gwisgoedd, dylunio goleuadau ac effeithiau sain.
Dyddiadau: Dydd Mawrth 23ain – Dydd Iau 25 Gorffennaf 2024
Amseroedd: 10am – 4pm
Cost: £115
