Rhiannon Pritchard

Graddiodd Rhiannon o Goleg Brenhinol Cerdd a Drama Cymru yn 2009.

Mae galw mawr am Rhiannon fel cyfeilydd ledled Cymru, ac mae’n gweithio gyda nifer o gantorion ac offerynwyr yn rheolaidd. Mae’n gyfeilydd swyddogol ar gyfer tair o brif wyliau cerddorol Cymru: Yr Eisteddfod Genedlaethol, Eisteddfod Ryngwladol Llangollen ac Eisteddfod yr Urdd. Mae Rhiannon hefyd yn gweithio’n helaeth fel tiwtor piano ac mae’n gyfeilydd cyson gyda thri chôr o Gaerdydd – Côr CF1, City Voices Cardiff a Chôr y Gleision.

Mae’n gweithio’n helaeth fel repetiteur ac animateur gyda llawer o gwmnïau gwahanol gan gynnwys Opera Cenedlaethol Cymru, Live Music Now, Mahogany Opera, Elusen Aloud, Corws Forget Me Not a Music in Hospitals. Yn y maes hwn, mae gan Rhiannon brofiad helaeth o weithio mewn llawer o wahanol leoliadau a chyda gwahanol grwpiau oedran.

Drwy ei gwaith, mae wedi teithio i Affrica, America, Canada, India, yr Emiraethau Arabaidd Unedig ac Ewrop.

Enillodd wobrau lu am ei gwaith fel cyfeilydd a repetiteur gan gynnwys Gwobr Seligman Opera Ieuenctid Cenedlaethol Cymru, Gwobr Mansel Thomas a Gwobr Cyfeilydd CBCDC, a Gwobr Goffa Eleri Evans, gwobr cyfeilydd yr Eisteddfod Genedlaethol.