Brad Caleb Lee

Rôl y swydd: Darlithydd Gwadd mewn Dylunio

Adran: Cynllunio

Gweld eu gwaith:

Bywgraffiad

Mae Brad Caleb Lee yn ddylunydd i’r theatr sydd wedi ennill gwobrau, yn ogystal â chynhyrchydd, curadur, cyfarwyddwr, dylunydd gofodol, golygydd, ac athro sy’n hybu gwir gydweithio i greu profiadau cysylltiol i’r gynulleidfa. Gyda chefndir eang o farchnata i eiriolaeth, datblygu i reoli llwyfan, dylunio graffeg i gynhyrchu, mae Brad yn cynnig profiad eang yn ei waith. Fel rhan o’i bortffolio, fe welwch ddiddordeb mewn opera, syrcas, theatr glasurol, bwrlésg, gweithiau newydd, theatr i gynulleidfaoedd ifanc, technoleg mewn perfformiad, sioeau cerdd a storïau cwiar.

Ef oedd dylunydd preswyl y Chicago Fringe Opera am 5 mlynedd ac roedd yn cydweithio’n rheolaidd â Bros Do Prose a Summer Theatre of New Canaan. Ymhlith eraill, mae hefyd wedi cydweithio â The Richard Burton Theatre Company, Kings Head Theatre, St. George’s ym Mryste, Elan Frontoio, Opera Cenedlaethol Cymru, Opera Sonic/Laura Drane Associates, Music Theatre Wales, Opera'r Ddraig, East Riding Theatre, Prague Shakespeare Company, Theatre Tuscaloosa, Hell in a Handbag, Filament Theatre, a The Monomoy Theatre.

Mae ganddo Radd Meistr mewn Dylunio Perfformio o Goleg Brenhinol Cerdd a Drama Cymru (2015) a dynodiad anrhydedd driphlyg ar gyfer Baglor y Celfyddydau mewn Theatr a Baglor y Gwyddorau Masnach mewn Rheoli Busnes o Brifysgol Alabama (2011).

Addysgu

Yn CBCDC, mae Brad yn gweithio ar draws pob blwyddyn o fyfyrwyr wrth ddefnyddio sgiliau creu modelau a sgiliau digidol ar brosiectau cysyniadol a chynyrchiadau sy’n cael eu gwireddu. Ef yw cynhyrchydd arddangosfa flynyddol y graddedigion, BALANCE, gan arwain myfyrwyr drwy’r broses o gasglu eu deunyddiau catalog, arddangos a gwefannau er mwyn paratoi i gychwyn yn y diwydiannau creadigol.