Ar gyfer mynediad ym mis Medi 2025, mae dau cham i’r clyweliad ar gyfer y cwrs MA Actio ar gyfer Llwyfan, Sgrin a Radio. Bydd clyweliadau’r rownd gyntaf yn cael eu cynnal ar-lein trwy hunan-dâp. Bydd clyweliadau adalw yn cael eu cynnal wyneb yn wyneb, yn CBCDC yng Nghaerdydd.
Gallwn ddefnyddio'r gwasanaeth neges Acceptd i gysylltu â chi, felly cofiwch ychwanegu getacceptd.com fel anfonwr diogel yn eich gosodiadau e-bost.
Oherwydd nifer fawr yr ymgeiswyr sy’n mynychu ein clyweliadau actio, yn anffodus ni allwn roi adborth unigol. Bydd penderfyniad y panel yn derfynol.
Mae’r Coleg yn rhoi gwerth mawr ar y canlynol:
Rydym hefyd yn gwneud yr argymhellion penodol canlynol:
Os oes gennych anabledd a/neu os oes gennych anghenion penodol, cysylltwch â ni yn uniongyrchol yn admissions@rwcmd.ac.uk i wneud yn siŵr ein bod yn gallu gwneud unrhyw drefniadau angenrheidiol mewn pryd ar gyfer eich clyweliad.
Rydw i wedi ceisio archebu dyddiad ond nid oedd dyddiadau/amseroedd ar gael.
Byddwn yn parhau i gynnal clyweliadau rownd gyntaf tan ddechrau mis Mawrth ac yn dal ati i ryddhau dyddiadau fel y cânt cadarnhau. Rydym yn argymell eich bod yn gwirio’r ddolen archebu yn gyson (mae rhoi nod tudalen ar y dudalen ar eich porwr rhyngrwyd yn ffordd hawdd o gadw’r ddolen). Byddwn yn caniatáu lle ar gyfer ceisiadau sy’n weddill, ond ni allwn warantu y bydd y dyddiadau a gedwir yn cyd-fynd ag argaeledd unigol.
Sut ydw i’n newid dyddiad ar gyfer clyweliad Rownd Gyntaf dros Acceptd?
Mae Acceptd yn caniatáu i chi ganslo archeb ar gyfer dyddiad neu gallwch gysylltu ag admissions@rwcmd.ac.uk a gofyn i ni ganslo archeb ar eich rhan. Gwnewch yn siŵr eich bod yn cynnwys eich ID UCAS, enw llawn, cwrs a dyddiad eich clyweliad.
Yna gallwch ddefnyddio’r ddolen archebu i archebu dyddiad arall sydd ar gael. Sylwer, os na fyddwch yn canslo eich archeb a ddim yn mynychu eich clyweliad efallai y bydd eich cais yn cael ei dynnu’n ôl.
Sut i ddod o hyd i araith clyweliad?
Nid yw’r Coleg yn darparu rhestr o areithiau (neu ymsonau) clyweliad ar gyfer ymgeiswyr, ac ni allwn wneud awgrymiadau ar gyfer areithiau addas ar gyfer ymgeiswyr unigol. Mae nifer helaeth o areithiau ar gael, rydym yn argymell eich bod yn dewis araith yr ydych yn ei hoffi, yn ei mwynhau ac y gallwch uniaethu â hi a’ch bod yn dilyn y canllawiau a ddarperir yn ein canllawiau clyweliad.
Os ydych yn defnyddio llyfr ymsonau fel man cychwyn ar gyfer dod o hyd i’ch araith, rydym yn argymell eich bod hefyd yn darllen ac yn deall y ddrama gyfan. Mae hyn yn bwysig er mwyn i chi ddeall y cymeriad, ble mae ef neu hi ar yr adeg honno yn y ddrama a’r effaith y mae’r pwynt hwn yn nhaith y cymeriad yn ei gael ar weddill y ddrama.
A allaf berfformio araith yn Gymraeg yn fy nghlyweliad?
Gallwch, gallwch ddewis perfformio araith yn Gymraeg ar unrhyw gam clyweliad. Gofynnwn i chi roi gwybod i ni eich bod yn dymuno gwneud hynny. Mae hyn er mwyn i ni wneud yn siŵr bod y panel cywir ar eich cyfer, gan na fydd ein holl banelwyr yn gallu siarad Cymraeg.
A allaf berfformio cerdd yn fy nghlyweliad?
Na, nid yw’n bosibl perfformio cerdd yn y clyweliad.
Sut ydw i’n newid dyddiad clyweliad Galw’n Ôl?
Bydd angen i chi anfon cais drwy e-bost i’r adran Mynediadau, nid yw’n bosibl newid dyddiadau ar gyfer cyfweliadau galw’n ôl dros y ffôn. Dylai eich cais nodi eich enw llawn, y cwrs yr ydych clyweld ar ei gyfer, y dyddiad yr hoffech ei newid ac unrhyw ddyddiadau pellach nad ydych ar gael i’w mynychu. Er y byddwn yn gwneud ein gorau i gynorthwyo pob cais i newid dyddiad, ni allwn warantu y bydd dewis arall addas ar gael.
Pa mor hir y bydd yn ei gymryd i dderbyn penderfyniad fy nghlyweliad?
Byddwn yn rhannu’r penderfyniad yn dilyn clyweliad cyn gynted â phosibl ar ôl i ni dderbyn y penderfyniad a gadarnhawyd. Mae penderfyniadau yn dilyn clyweliadau rownd gyntaf fel arfer yn cael eu rhannu o fewn 3 wythnos wedi dyddiad y clyweliad, ond yn ystod cyfnodau prysur iawn gall gymryd mwy o amser.
Mae penderfyniadau clyweliad galw’n ôl yn cael eu rhannu fel arfer o fewn mis wedi dyddiad y clyweliad.
Os ydych yn pryderu am faint o amser y mae wedi’i gymryd, cysylltwch ag admissions@rwcmd.ac.uk. Sicrhewch eich bod yn cynnwys eich ID UCAS, eich enw llawn a dyddiad y clyweliad.
A allaf fynychu clyweliad galw’n ôl ar-lein?
Mae clyweliadau galw’n ôl wedi’u hamserlennu i’w cynnal wyneb yn wyneb. Mewn amgylchiadau eithriadol gallwn gynnig apwyntiad ar-lein. Mae’r rhain yn cynnwys – eich bod wedi’ch lleoli 120 milltir o leoliad y clyweliad neu wedi’ch lleoli y tu allan i’r DU; salwch; angen ychwanegol sy’n ei gwneud hi’n anodd teithio.
Os ydych wedi’ch gwahodd i fynychu clyweliad galw’n ôl a’ch bod yn dymuno gwneud cais am glyweliad ar- lein, cysylltwch ag admissions@rwcmd.ac.uk. Gwnewch yn siŵr eich bod yn cynnwys eich ID UCAS, eich enw llawn a nodi pam yr hoffech gael clyweliad ar-lein. Sylwer na fydd clyweliadau galw’n ôl terfynol sy’n digwydd ar-lein yn cynnwys gwaith grŵp. Gallwn eich sicrhau na fydd dull eich clyweliad yn effeithio ar asesiad y panel o’ch addasrwydd.
Ffi clyweliad
Mae ffi clyweliad o £35 i’w dalu am gost trefnu a chynnal clyweliadau.
Rydym wedi ymrwymo i ddarparu mynediad at hyfforddiant ar gyfer y myfyrwyr mwyaf dawnus, waeth beth fo’u cefndir neu fodd ariannol. Mae ein polisi hepgor ffi wedi’i gynllunio i gefnogi ymgeiswyr y gallai eu hamgylchiadau ariannol fod yn rhwystr iddynt glyweld.
Os credwch eich bod yn gymwys i gael clyweliad am ddim, anfonwch unrhyw ddogfennaeth berthnasol I admissions@rwcmd.ac.uk. Sicrhewch eich bod yn cynnwys eich enw llawn a’r cwrs y gwneir cais iddo ac (os ydych wedi gwneud cais eisoes) eich ID UCAS.
