Rhoddion blynyddol

Os hoffech chi helpu i sicrhau bod myfyrwyr Coleg Brenhinol Cymru yn parhau i gael y profiadau hyfforddi gorau posib ac i gael eu hysbrydoli drwy weithio gyda’r artistiaid proffesiynol gorau, gallwch wneud hynny drwy ddod yn aelod o Cyswllt.

Mae Cyswllt yn gynllun rhoi sydd wedi’i gynllunio i’ch galluogi i gefnogi ein myfyrwyr a dyfnhau eich ymwneud â phopeth sy’n digwydd yma.

Hon yw prif gronfa’r Coleg sy’n cefnogi cyfleoedd perfformio cyhoeddus y myfyrwyr, a’r stondinau actio yng Nghaerdydd, Llundain ac Efrog Newydd, ynghyd a’u rhyngweithio gydag artistiaid blaenllaw sy’n ymweld ac yn perfformio yn y Coleg. Mae’r ymgysylltiad rheolaidd hwn gyda’r rheini sydd eisoes yn gweithio yn y celfyddydau yn amhrisiadwy wrth baratoi myfyrwyr i fynd i’r proffesiwn yn llwyddiannus unwaith y byddant wedi graddio.

Cynllun dyngarol yw Cylch y Cadeiryddion sy’n dod â grŵp o unigolion hael y mae meithrin cenedlaethau o artistiaid yn y dyfodol yn bwysig iddynt at ei gilydd, ac sydd am helpu’r Coleg i ddatblygu ei genhadaeth i gysylltu a thrawsnewid cymunedau drwy’r celfyddydau. Bydd yr holl arian a godir gan Gylch y Cadeiryddion yn cael ei fuddsoddi i wireddu’r blaenoriaethau a nodir yn ein strategaeth 5 mlynedd, a fydd yn ein galluogi i sicrhau ein bod yn gallu cynnig yr hyfforddiant gorau posibl i’n myfyrwyr a’n helpu i gofleidio’n llawn ein rôl fel Conservatoire Cenedlaethol Cymru.

Rydym yn ceisio rhoddion o £5,000 y flwyddyn ac, fel diolch, bydd aelodau’r Cylch yn cael cyfleoedd i fynychu digwyddiadau arbennig a chlywed yn uniongyrchol gan dîm arweinyddiaeth y Coleg am sut rydym yn llunio dyfodol y Coleg.

DIOLCH I'N HAELODAU PRESENNOL:

• Hugo aC Elinor Blick
• John Derrick a Preben Oeye
• Richard Lloyd-Owen a Patricia Cabrera
• Roger Munnings CBE a Karen Munnings
• Peter Saunders OBE
• Atlantic Property Development PLC (Babs Thomas)
• Mr and Mrs Vyvyan and Valerie Ferrer

Gall myfyrwyr wneud cais yn uniongyrchol i’r gronfa hon am gymorth gydag ystod o brosiectau’n ymwneud â’u hyfforddiant, e.e. arian tuag at offeryn newydd, cefnogaeth er mwyn mynd â chynhyrchiad myfyrwyr ar daith neu gostau teithio i gystadlaethau rhyngwladol. Hefyd rhoddir gwobrau a bwrsariaethau blynyddol o’r gronfa hon.