Crwydro Caerdydd

Byw yng Nghaerdydd

Ni fyddai Caerdydd yr un ddinas fywiog â’r un rydyn ni’n gyfarwydd â hi heb ei hamrywiaeth helaeth o ganolfannau celfyddydau, lleoliadau cerddoriaeth a theatrau. Gyda lleoliadau o ganol y ddinas i lan y dŵr. Mae pob un yn cynnig ei gelfyddyd unigryw ei hun i chi ei fwynhau. Tarwch olwg ar rai o’r lleoliadau a restrir isod.

<a href="https://www.wmc.org.uk/cy/hafan" target="_blank" rel="noreferrer noopener">Mae Canolfan Mileniwm Cymru</a>, sydd ar lan y dŵr, yn ferw o weithgarwch – o sioeau cerdd y West End i operâu, dawns gyfoes a bale, hip-hop a chomedi, ac arddangosfeydd celf a gweithdai.

Mae’r ganolfan gelfyddydau a’r ganolfan gymunedol brysur hon yn cynnwys oriel gelf, sinema annibynnol, bar caffi, mannau perfformio, canolfan gymunedol... a llawer mwy. Mae’r lleoliad celfyddydol amrywiol bob amser yn llwyddo i alluogi creadigrwydd, i ysbrydoli, i gyffroi ac i ddiddanu.

Canolfan gelfyddydau gymunedol yng nghanol y Rhath yw <a href="https://www.thegate.org.uk/" target="_blank" rel="noreferrer noopener">The Gate.</a> Gan ganolbwyntio ar y gymuned, mae’n gartref oddi cartref i drigolion, lle gallant archwilio eu creadigrwydd cynhenid drwy raglen amrywiol o ddosbarthiadau celfyddydol, cerddoriaeth a pherfformiadau theatr.

Mae Cwrt Insole, sy’n swatio ym maestref ddeiliog Llandaf, yn blasty rhestredig Gradd II* gyda hanes cyfoethog. Mae digwyddiadau cyhoeddus bywiog fel cyngherddau, dangosiadau ffilmiau, diwrnodau marchnad a theithiau treftadaeth, wedi gwneud y plasty a’r gerddi yn gyrchfan newydd i dwristiaid a thrigolion Caerdydd.

Oriel gelf yn Cathays yw <a href="https://www.ffotogallery.org/cy/" target="_blank" rel="noreferrer noopener">Ffotogaller</a>y, sy’n canolbwyntio ar ddatblygiadau newydd ym maes ffotograffiaeth a chyfryngau lens yng Nghymru a thu hwnt. Mae’n annog y cyhoedd i ddeall ffotograffiaeth yn well ac ymgysylltu’n ddyfnach â’r gelfyddyd a’i gwerth i gymdeithas.

Mae <a href="https://www.norwegianchurchcardiff.com/" target="_blank" rel="noreferrer noopener">Canolfan Gelfyddydau’r Eglwys Norwyaidd</a> yn un o adeiladau nodedig y ddinas ym Mae Caerdydd ac mae ganddi olygfeydd panoramig ar lan y dŵr. Arferai’r adeilad eiconig hwn fod yn Eglwys i Forwyr Norwyaidd ac mae’n dyddio’n ôl i’r chwyldro diwydiannol, pan mai Dociau Caerdydd oedd yr allforiwr glo mwyaf yn y byd.

Mae <a href="https://shiftcardiff.org/" target="_blank" rel="noreferrer noopener">SHIFT</a> yn ofod arbrofol a ffurfiwyd ac sy’n cael ei gynnal gan grŵp o artistiaid sy’n esblygu – gofod celfyddydol cydweithredol sy’n cael ei arwain gan artistiaid amlddisgyblaethol. Rhennir y gofod ar gyfer cynhyrchu, ymchwil a datblygu, perfformio ac arddangosfeydd.

Gan weithio gydag artistiaid, gwneuthurwyr a chrefftwyr, mae <a href="https://cardiffmade.com/" target="_blank" rel="noreferrer noopener">Cardiff Made</a> yn gweithio gydag artistiaid i guradu’r dalent greadigol ddiweddaraf yng Nghymru.

Parc sglefrio a man celf. Mae gan <a href="https://www.spitandsawdust.co.uk/" target="_blank" rel="noreferrer noopener">Spit &amp; Sawdust</a> raglen greadigol o arddangosfeydd, cyfnodau preswyl a nifer o ddigwyddiadau, gan gynnwys dangosiadau, perfformiadau a gweithdai.

Mae’r Globe ar Heol Albany wrth galon ardal y Rhath, sy’n lle poblogaidd i fyw ymysg myfyrwyr. Mae’r hen sinema yn cynnwys awditoriwm a balconi, ac mae’n darparu arlwy amrywiol a chyffrous.

Neuadd gyngerdd Caerdydd. Wedi’i lleoli yng nghanol y ddinas, mae’n gartref i lawer o gerddorfeydd, gan gynnwys Cerddorfa Genedlaethol Gymreig y BBC. Mae ganddi gapasiti o 2,000 ac mae’n cynnal amrywiaeth o berfformiadau prif ffrwd yn ogystal â bale a cherddorfeydd.

Mae’r clwb wedi'i enwi ar ôl arweinydd o Gymru a oedd yn gwrthryfela yn erbyn y Saeson yn ystod y 12fed ganrif. Defnyddir y lleoliad fel canolfan gymdeithasol ar gyfer siaradwyr Cymraeg yn y ddinas. Mae’r adeilad tri llawr yn croesawu artistiaid o bob cwr o’r byd. Os nad oes band byw yn chwarae, bydd noson clwb arall i’w mwynhau yn lle hynny yn aml iawn.

Mae The Moon yn disgrifio eu hunain fel ‘Gwerthwyr Gwirodydd Cryf a Cherddoriaeth Wych,’ ac mae’n anodd dadlau â hynny. Mae detholiad helaeth o wirodydd i’w hyfed wrth fwynhau gig yn y lleoliad bach hwn, sy’n rhoi llwyfan i amrywiaeth eang o genres cerddoriaeth oddi mewn i'w waliau.

Mae’r Arena Ryngwladol Caerdydd (CIA) yn lleoliad aml-bwrpas sydd wedi cynnal cyngherddau gan rai o enwau mwyaf y byd cerddoriaeth. Mae hefyd wedi cael ei defnyddio ar gyfer digwyddiadau chwaraeon a gloddestau, ymysg pethau eraill.

Mae Porters yn drysor cudd ymysg lleoliadau cerddoriaeth (sydd hefyd yn llythrennol gudd). Mae’n lle i gael coffi gyda ffrindiau yn ystod y dydd ac yn gartref i adloniant bywiog a hwyliog gyda’r nos. Dyma leoliad gwych ar gyfer nosweithiau jazz, cabaret, comedi a llawer mwy.

Mae’r theatr yn sefyll yn Park Place yng nghanol y ddinas ers 1906. Dros ganrif yn ddiweddarach, mae’r lleoliad yn parhau i groesawu i’r brifddinas rai o’r cynyrchiadau sioe gerdd, bale, drama a chomedi teithiol mwyaf, yn ogystal â sioeau i blant a’r pantomeim teuluol penigamp.

Mae Theatr Sherman, yng nghanol Caerdydd, yn gwmni cynhyrchu blaenllaw sy’n creu ac yn curadu theatr eithriadol ar gyfer pobl Caerdydd. Mae’n canolbwyntio ar ddatblygu a chynhyrchu gwaith ysgrifennu newydd ac ar feithrin artistiaid o Gymru a Lloegr, sy’n golygu mai’r Sherman yw asgwrn cefn theatr Cymru.

Mae cwmni syrcas cyfoes blaenllaw y DU, Syrcas No Fit State, yn cynnal cynyrchiadau teithiol proffesiynol. Gyda’u canolfan yng Nghaerdydd, maent yn cynnig amrywiaeth eang o brosiectau cymunedol, hyfforddiant ac addysg i bobl o bob oed.

The Other Room yw theatr dafarn gyntaf Caerdydd. Mae’n cefnogi, yn cynhyrchu ac yn curadu dramâu, gyda phwyslais ar yr artistiaid gorau o Gymru ac yng Nghymru. Mae’n theatr bersonol gyda dim ond 45 o seddi, sy’n cynnig awyrgylch pwerus na cheir mo’i debyg yn unrhyw leoliad arall yng Nghaerdydd.

Efallai eich bod yn meddwl mai dim ond sinema arferol arall yw hon, ond meddyliwch eto. Mae’n cynnig amrywiaeth eang o ffilmiau prif ffrwd, annibynnol a chlasurol, digwyddiadau arbennig, lansiadau a chalendr amrywiol o ddarllediadau lloeren byw, heb sôn am fod yn theatr fach hyfryd ar gyfer perfformiadau byw lleol. Mae yna rywbeth i bawb yma.

Nid y diwylliant yn unig sy’n llawn at yr ymylon yn ein dinas fach; mae gennym ni ddigon i’w gynnig fel arall yng nghanol y ddinas. Un funud rydych chi yn yr arcedau siopa a’r nesaf rydych chi mewn parc gwyrdd sy’n llawn blodau a natur. Chewch chi mo hynny ym mhob dinas – a does gan bob dinas ddim castell enfawr yn ei chanol, chwaith!

Mae Caerdydd yn un o’r deg o gyrchfannau siopa gorau ym Mhrydain yn ôl Which? 2021. Gallwch bori drwy’r siopau annibynnol yn yr arcedau a’r marchnadoedd Fictoraidd, a mynd i ganolfan siopa Dewi Sant ar gyfer brandiau’r stryd fawr. Tarwch olwg ar y canllaw gwych hwn sy’n edrych ar y casgliad trawiadol o siopau sydd yng Nghymru

Bae Caerdydd yw’r Datblygiad Glan Dŵr Mwyaf yn Ewrop ac mae tomen o bethau i'w gwneud yno. Mae digon i’ch cadw’n brysur – o fwytai a bariau i rafftio dŵr gwyn, teithiau cwch ac atyniadau diwylliannol. Dyma rywfaint o’r hyn sydd gan ein glannau godidog i’w gynnig.

Mae Caerdydd, sy’n cynnwys dros 330 o barciau a gerddi, yn brifddinas werdd iawn. Rydyn ni’n ffodus iawn o fod yn gartref i un o’r parciau trefol mwyaf yng Nghymru, Parc Bute. Gelwir y parc yn ‘galon werdd y ddinas’, sy’n golygu mai dyma’r lle perffaith i fynd am dro yn ystod eich cyfnodau rhydd. Mae’r ddinas yn hafan werdd lle gallwch archwilio, ymlacio a dianc rhag prysurdeb a bwrlwm bywyd bob dydd. Tarwch olwg ar rai o’r parciau y mae’n werth ymweld â nhw.

Mae’n anodd methu castell mawreddog Caerdydd, ein hen gartref ni, yng nghanol y ddinas (ie, yma roedd ein coleg ni’n arfer bod). Castell Caerdydd yw un o brif atyniadau treftadaeth Cymru. Mae’r waliau hyn wedi gweld y cyfan – o’r Rhufeiniaid yn goresgyn Prydain i goncwest y Normaniaid, drwy gythrwfl rhyfel cartref, gweddnewidiad Fictoraidd a hyd yn oed erchyllterau’r Rhyfel Byd Cyntaf.

Os oes un peth y gallwn fod yn sicr ohono, mae Caerdydd yn gwybod sut i gynnal noson allan heb ei hail. Mae canol y ddinas yn llawn bwytai, mannau poblogaidd i gael coctels, bariau jin a lloriau dawnsio i ddiwallu anghenion pawb. Cynhelir gwyliau gydag arlwy cyffrous a nifer o ddigwyddiadau chwaraeon drwy gydol y flwyddyn. Mae rhywbeth i’w wneud yn y brifddinas bob amser!

O fariau coctels a gwin i glybiau lle gallwch ddawnsio tan yr oriau mân, mae Caerdydd wir yn cynnig amrywiaeth eang o opsiynau ar gyfer bywyd nos. Gydag awyrgylch mawr mewn lle bach, ni fydd angen i chi deithio’n bell i ddod o hyd i’r lle iawn i chi. Dyma rai o glybiau gorau Caerdydd lle gallwch fynd ar sbri am bris rhesymol.

Mae bwyd a diod gwerth chweil ar gael yng Nghaerdydd. Gydag opsiynau sy’n addas i bob chwaeth a chyllideb, beth am archwilio pa ddanteithion blasus sydd gan y brifddinas i’w cynnig? Mae rhai o’r lleoedd gorau i fwyta ac yfed yng Nghaerdydd yn rhai cudd. Maen nhw naill ai i fyny’r grisiau o fusnes arall, i lawr llwybr oddi ar y brif stryd, neu ar strydoedd cefn mewn maestrefi. Fodd bynnag, os gwnewch chi’r ymdrech i chwilio amdanynt, fe gewch eich gwobrwyo gyda rhywbeth blasus dros ben.

Mae Caerdydd yn cael ei hadnabod fel prifddinas chwaraeon, ac mae ganddi enw da am gynnal digwyddiadau chwaraeon o safon fyd-eang dros y blynyddoedd. Cafodd ei henwi’n brifddinas chwaraeon Ewrop yn 2014 ac mae wedi cynnal amrywiaeth o ddigwyddiadau gan gynnwys Gemau Olympaidd 2012, Cwpan Rygbi’r Byd 2015, rownd derfynol Cynghrair Pencampwyr UEFA 2017 a WWE Clash at the Castle 2022. Mae Cymru’n fwyaf adnabyddus am ei chariad at rygbi a gyda Stadiwm Principality yng nghanol ein dinas, mae’n amhosibl methu gêm.

Mae gan Gaerdydd hanes hir a diddorol sy’n cael ei adrodd drwy ei henebion a’i hamgueddfeydd. Ewch ar daith i un o amgueddfeydd amrywiol Cymru i archwilio’r anarferol. Dysgwch am hanes lleol, treftadaeth ddiwydiannol, tecstilau, celfyddyd gain a thrysorau o bob cwr o’r byd, a mwy.

Mae llond gwlad o wyliau yng Nghaerdydd a byddwch wrth eich bodd gyda’r arlwy amrywiol a chyffrous. Ymhlith y rhain mae’r Eisteddfod Genedlaethol – dathliad teithiol o gerddoriaeth, iaith a diwylliant Cymru, Gŵyl y Dyn Gwyrdd – sy’n darparu ar gyfer pob genre cerddoriaeth cyn llosgi’r Dyn Gwyrdd ei hun ar y noson olaf, a Phenwythnos Mawr Pride Cymru – digwyddiad cymunedol addas i deuluoedd sy’n galluogi grwpiau amrywiol i ddod at ei gilydd a dysgu mwy am y naill a’r llall, a’r materion sy’n effeithio ar y gymuned LHDTC+. Efallai y gwnewch chi ddod o hyd i’ch hoff ŵyl newydd tra byddwch chi yma.

Ydych chi’n barod am antur? Un o fanteision niferus Caerdydd yw ei bod wedi’i hamgylchynu gan natur hardd. Mae parciau cenedlaethol o fewn awr i ganol y ddinas ac mae milltiroedd ar filltiroedd o arfordir i'w archwilio, felly mae bob amser lle i ddianc rhag bywyd cosmopolitan y ddinas.

Mae Caerdydd wedi’i lleoli ar lannau Arfordir De Cymru, sy’n golygu ei bod yn agos at lawer o drefi a thraethau glan môr hyfryd. Os gallwch chi deithio rhwng 30 munud ac awr o Gaerdydd yn y car neu ar y trên, mae traethau anhygoel i'w gweld – hyd yn oed rhai sydd ag olion traed dinosoriaid arnyn nhw!

P’un a yw’n well gennych chi fynd am dro a mwynhau’r trysorau rydych chi’n cerdded heibio iddynt neu godi curiad y galon drwy ddringo llethrau serth, rydych chi’n siŵr o ddod o hyd i dro neu daith gerdded sy’n addas i chi o amgylch Caerdydd neu dafliad carreg (llai na 30 milltir) i ffwrdd ym Mannau Brycheiniog. Gallwch ymgymryd â’r her o ddringo mynydd uchaf de Cymru, Pen-y-fan, neu fynd i weld y rhaeadrau enwog a welir yn Batman. Does dim byd gwell na chefn gwlad Cymru i glirio eich meddwl.

Mae Cymru yn wlad sy’n gyforiog o gestyll, gyda mwy na 400 ohonynt yn ein gwlad fach. Mae hynny’n fwy o gestyll fesul milltir sgwâr nag unrhyw le arall yn y byd. Mae rhai bellach yn adfeilion rhamantaidd ac mae eraill yn dal i sefyll, felly os ydych chi’n hoff o hanes, byddwch wrth eich bodd yn ymweld â rhai o’r adeiladau hardd hyn.

Hafan

Breadcrumbs

Mae Coleg Brenhinol Cerdd a Drama Cymru yn denu’r doniau creadigol gorau o bob rhan o’r byd. Fel conservatoire cenedlaethol Cymru, rydym yn tanio dychymyg ac yn ysgogi arloesedd, gan gynnig hyfforddiant i bron i 1000 o actorion, cerddorion, cynllunwyr, technegwyr a rheolwyr yn y celfyddydau o dros 40 o wledydd. Mae'r Coleg yn cyflwyno cannoedd o ddigwyddiadau'r flwyddyn, o gyngherddau cerddorfaol a datganiadau i ddrama, opera, jazz, cerddoriaeth newydd a theatr gerddorol, wedi'u perfformio gan ein myfyrwyr ac amrywiaeth eang o artistiaid o'r safon uchaf o bob rhan o'r byd.

Coleg Celfyddydau Cenedlaethol Cymru

Efallai na fyddech chi’n meddwl hynny o ystyried ei maint, ond mae llawer iawn i’w wneud yn ein dinas fach. Felly, dewch i ymdrochi yn y diwylliant, mwynhau’r amrywiaeth o adloniant, neu dreulio amser yn ymlacio yn un o’n mannau naturiol hardd.

Efallai na fyddech chi’n meddwl hynny o ystyried ei maint, ond mae llawer iawn i’w wneud yn ein dinas fach. Felly, dewch i ymdrochi yn y diwylliant,…

description

generator

chi’n, meddwl, hynny, ystyried, maint, llawer, iawn, i’w, wneud, ymdrochi, diwylliant, mwynhau’r, amrywiaeth, adloniant, dreulio

keywords

https://cdn.rwcmd.ac.uk/images/Life-in-Cardiff/City-images/_1200x630_crop_center-center_82_none/3.jpeg?mtime=1697897886

https://www.rwcmd.ac.uk/cy/living-in-cardiff/explore-the-city

referrer

robots

twitter:card

twitter:creator

twitter:description

https://cdn.rwcmd.ac.uk/images/Life-in-Cardiff/City-images/_800x418_crop_center-center_82_none/3.jpeg?mtime=1697897886

Crwydro Caerdydd

Lleoliadau

Canolfannau Celfyddydau

Lleoliadau caerddoriaeth

Theatrau

Darganfod y Ddinas

Pethau i’w gwneud

Yr Awyr Agored

Archwilio’r adran

Trosolwg