Cyfleoedd rhyngwladol i fyfyrwyr CBCDC

Mae sawl ffordd y gallwch ennill profiad rhyngwladol yn ystod eich astudiaethau:

• Astudio mewn sefydliad partner – Treulio rhwng 2 wythnos a 12 mis dramor, gyda’r rhan fwyaf o fyfyrwyr yn dewis tymor neu semester.
• Cymryd rhan mewn prosiect rhyngwladol – Ymuno â chydweithrediad dwys gyda myfyrwyr o sefydliadau partner, sydd fel arfer yn para 2-4 wythnos.
• Cwblhau lleoliad gwaith rhyngwladol – Ennill profiad proffesiynol gyda sefydliad dramor am 14 diwrnod neu fwy. Gallwch hefyd dderbyn cyllid ar gyfer lleoliadau yn y 12 mis ar ôl graddio.
• Mynychu ysgol haf ryngwladol – rhaglen tymor byr (14+ diwrnod) sy’n darparu cyfleoedd hyfforddi a rhwydweithio ychwanegol.

Yn y rhan fwyaf o achosion, gall astudio neu leoliadau gwaith gyfrif tuag at eich gradd. Er enghraifft, gall myfyrwyr cerddoriaeth integreiddio astudio dramor i BMus Blwyddyn 3 neu 4 neu MMus Blwyddyn 2.

Dyma rai enghreifftiau o sut mae myfyrwyr wedi manteisio i’r eithaf ar y cyfleoedd hyn:

• Astudio dramor - Treuliodd myfyriwr BMus Cerddoriaeth dymor ym Mhrifysgol Toronto, a chwblhaodd myfyriwr Cynllunio/Rheoli Llwyfan hanner tymor yn Academi Celfyddydau Perfformio Hong Kong.
• Prosiect rhyngwladol - Cymerodd myfyriwr MMus Cerddoriaeth ran mewn prosiect Cerddoriaeth Arbrofol yn Academi Cerddoriaeth a Theatr Lithwania.
• Lleoliad gwaith - Bu myfyriwr MA Cyfarwyddo Opera yn gweithio fel cyfarwyddwr cynorthwyol gyda Chwmni Opera Cenedlaethol Iwerddon, a chafodd myfyrwyr Cynllunio/Rheoli Llwyfan brofiad yn y Prague Quadrennial.
• Ysgol haf - Mynychodd rai myfyrwyr Academi Opera Berlin fel cantorion a cherddorion cerddorfaol.

Os oes gennych ddiddordeb mewn astudio neu weithio dramor, siaradwch â’ch Pennaeth Adran neu Arweinydd Cwrsi weld beth yw’r opsiynau. Rhennir gwybodaeth am y cyfleoedd sydd ar gael a’r prosesau ar gyfer ymgeisio ar blatfformau mewnol.