Trosolwg
Croeso i Lyfrgell CBCDC. Mae’r tudalennau hyn yn cynnwys gwybodaeth ddefnyddiol am yr adnoddau a’r gwasanaethau cymorth rydym yn eu darparu i gymuned y Coleg.
Casgliadau arbennig ac Archifau
Mae ein harchifau a’n casgliadau arbennig yn adnoddau amhrisiadwy i fyfyrwyr, perfformwyr, ymchwilwyr ac aelodau o’r cyhoedd sydd â diddordeb yn hanes cerddoriaeth a theatr yng Nghymru a thu hwnt.
Maent yn cynnwys archifau sefydliad y Coleg ei hun, archifau a llawysgrifau sawl cyfansoddwr (gan gynnwys Mervyn Burtch, Alun Hoddinott, Graham Whetham, Mansel Thomas, a David Harries), rhai o lawysgrifau ac archifau Cymdeithas Drama Cymru, archif Cerddorfa Ieuenctid Morgannwg, a Chasgliad Opera Rara Foyle.
Trefniadau mynediad
Trefnwch apwyntiad i edrych drwy’r archifau a’r casgliadau arbennig, drwy gysylltu ag archives@rwcmd.ac.uk.
Efallai y bydd cyfyngiadau ar rai deunyddiau oherwydd eu cyflwr, eu sensitifrwydd neu eu cyfrinachedd, ac efallai y bydd angen caniatâd ychwanegol i gael mynediad at y deunyddiau hyn. Mae Coleg Brenhinol Cerdd a Drama Cymru wedi ymrwymo i ddarparu mynediad i’w archifau i gefnogi ymchwil a dysgu, gan sicrhau bod y deunyddiau’n cael eu cadw a’u diogelu ar gyfer cenedlaethau’r dyfodol ar yr un pryd.
Catalogau
Mae catalogau ein harchifau ar gael ar Archives Hub
