'The Ruin' gan Elliot Galvin

Mae Elliot Galvin yn arloeswr hir-sefydledig ym myd jazz y DU gyda phedwar albwm unigol sydd wedi’u cynnwys ar restr albwm gorau’r flwyddyn gan rai megis Downbeat a Jazzwise, yn ogystal â bod yn aelod o’r Dinosaur a enwebwyd am wobr Mercury. Yn cynnwys cerddoriaeth o’i albwm newydd 'The Ruin' mae’r gerddoriaeth yn llifo’n rhydd rhwng y piano dolennog a llinellau syntheseisydd modwlar gan blethu a gwrthdaro o amgylch lleisiau byrhoedlog, offerynnau taro sy’n dwyllodrus drwm o grŵf, a byrfyfyriadau ffliwt cywrain a llawn enaid.